NÚMEROS 19:19 - Biblia Guarani Tumpa Iñee

¹⁹ Jókuae kuimbae ikɨambae oï vae toñapiramo, jókuae kuimbae ikɨa oï vae re mboapɨa ara pe jare chiúa ara pe; javoi chiúa ara pe oitɨo ma yave, jókuae ikɨa oiko vae toputuka jemimonde, jare jae etei toyeyoe vi ɨ pe; ërei tikɨa topɨta Tumpa jóvai pɨ̈tu regua.

NÚMEROS 19:19 ပူးပေါင်းရင်းမြစ်များ

GÉNESIS 2:2

Tumpa opa omboapɨ jembiapo reta; jare oputuu chiúa ara pe opaete jembiapo reta güi.

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

LEVÍTICO 14:7

jare toñapiramo chiu ye tugüɨ pe jókuae ipire mbaerasɨ ókui vae güi oyetɨo oï vae re; jare tomombeu ikɨambae ma ko. Javoi topoi güɨra oikove oï vae güi ñana pe.

LEVÍTICO 14:9

Jare chiu araa pe toñapiasɨ ia, jendɨvaa, jësapɨka jare opaete jaa, toputuka jemimonde jare toyau, jare topɨta ikɨambae.

NÚMEROS 19:12

Mboapɨa ara pe jare chiúa ara pe toyetɨo jókuae ɨ yetɨo pegua pe, jare tikɨambae topɨta Tumpa jóvai; ërei mboapɨa ara pe jare chiúa ara pe mbaetɨ oyetɨo yave, tikɨa topɨta.

NÚMEROS 19:13

Kia nunga vae oyavɨkɨ yave oipotagüe kia jëogüe, ërei mbaetɨ oyetɨo yave, tupao guakapi pegua yandeYa imbae ko omongɨa; jókuae nunga toyemombo ete kavi Israel iñemuña reta ipɨte güi; mbaetɨ ramo ɨ yetɨo pegua oñeapiramo jese, tikɨa topɨta Tumpa jóvai. Toiporara jeko ae re.

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

NÚMEROS 31:19

Pe reta, oipotagüe oporoyuka vae, ani tëogüe oyavɨkɨ vae, topɨta teyupa güi ikatu pe chiu ara; jare peyetɨo jare vi perembipɨɨ reta mboapɨa ara pe jare chiúa ara pe.

NÚMEROS 31:24

Jare chiúa ara pe peputuka peremimonde, jökorai yave pepɨtata ikɨambae; jayave ramo peike teyupa pe.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.