NÚMEROS 19:15 - Biblia Guarani Tumpa Iñee

¹⁵ Oipotagüe mbaerɨru oyepea oï vae, ani oyeokenda kavimbae oï vae, tikɨa topɨta Tumpa jóvai.

NÚMEROS 19:15 ပူးပေါင်းရင်းမြစ်များ

LEVÍTICO 11:32

Jare kuae reta jëogüegüe oa yave mbaembae reta re, tikɨa topɨta Tumpa jóvai. Mbae ɨvɨra pegua, temimonde, mɨmbapire, urupuku, oipotagüe tembiporu mbaravɨkɨ pegua, toñeñono ɨ pe jare tikɨa topɨta Tumpa jóvai pɨ̈tu regua; jare jaɨkue rupi topɨta ikɨambae.

LEVÍTICO 11:33

Oipotagüe kuae mɨmba reta jëogüegüe oa yave ɨvɨyapepo pe, tikɨa topɨta Tumpa jóvai, jökorai vi opaete pɨpegua, jare toyeyoka jókuae ɨvɨyapepo.

LEVÍTICO 14:36

Jayave sacerdote tomoë jókuae o iya opaete imbaembae ndive jo güi ndei omae mbove o re, agüɨye vaerä oikomegua opaete mbaembae oï o japɨpe pe vae; jare jaɨkue rupi toike tomae jese.

NÚMEROS 19:14

Kia nunga vae omano yave pero guakapi pegua japɨpe, peyapo kuae mborookuai: Opaete joko pe oike vae jare ñogüɨnoi joko pe vae tikɨa topɨta Tumpa jóvai chiu ara.

NÚMEROS 19:16

Jare oipotagüe oyavɨkɨ yave kia jëogüe ñana pe oï vae, kɨsepuku pe omano vae, ani omanoi vae, ani kia ikägüegüe, ani tɨvɨa, chiu ara tikɨa topɨta Tumpa jóvai.

NÚMEROS 31:20

Jare peitɨo vi opaete temimonde reta, jare oipotagüe mbae mɨmba ipire pegua, kavara jaa pegua, jare opaete tembiporu ɨvɨra pegua.