NÚMEROS 19:14 - Biblia Guarani Tumpa Iñee

¹⁴ Kia nunga vae omano yave pero guakapi pegua japɨpe, peyapo kuae mborookuai: Opaete joko pe oike vae jare ñogüɨnoi joko pe vae tikɨa topɨta Tumpa jóvai chiu ara.

NÚMEROS 19:14 ပူးပေါင်းရင်းမြစ်များ

EZEQUIEL 39:12

Jare Israel iñemuña reta oñotɨta yogüɨreko jókuae tëogüe reta chiu yasɨ rupi, oitɨo vaerä jókuae ɨvɨ.

EZEQUIEL 44:26

Oyemongɨa Tumpa jóvai vae güi oyetɨo reta yave, chiu ara ye toäro.

LEVÍTICO 14:54

Jae kuae mborookuai mbaerasɨ pɨ̈chɨi vae regua, pire mbaerasɨ ókui vae regua, äka regua jare tañɨka regua pire mbaerasɨ ókui vae,

LEVÍTICO 15:32

Jae kuae mborookuai kuimbae imbaerasɨ güi taɨ oë vae regua, jare kuña oiporara yasɨ ñavo vae, jare oasa ete tugüɨ oiporara vae regua, ani kuimbae oyapakua kuña jugüɨ reve oï vae ndive regua, echa ikɨa ko opɨta reta Tumpa jóvai kuae mbaerasɨ jeko pegua.

LEVÍTICO 21:1

YandeYa jei Moisés pe: “Ere Aarón iñemuña sacerdote reta pe agüɨye toyemongɨa reta Tumpa jóvai, tëta pe kia nunga vae omano vae rupi,

LEVÍTICO 21:11

agüɨye vi toike tëogüe oïa pe, tu re ave ani ichɨ re ave agüɨye toyemongɨa Tumpa jóvai.

NÚMEROS 19:13

Kia nunga vae oyavɨkɨ yave oipotagüe kia jëogüe, ërei mbaetɨ oyetɨo yave, tupao guakapi pegua yandeYa imbae ko omongɨa; jókuae nunga toyemombo ete kavi Israel iñemuña reta ipɨte güi; mbaetɨ ramo ɨ yetɨo pegua oñeapiramo jese, tikɨa topɨta Tumpa jóvai. Toiporara jeko ae re.

NÚMEROS 19:15

Oipotagüe mbaerɨru oyepea oï vae, ani oyeokenda kavimbae oï vae, tikɨa topɨta Tumpa jóvai.

NÚMEROS 31:20

Jare peitɨo vi opaete temimonde reta, jare oipotagüe mbae mɨmba ipire pegua, kavara jaa pegua, jare opaete tembiporu ɨvɨra pegua.

NÚMEROS 5:2

“Eyókuai Israel iñemuña reta omombo vaerä opaete ipire mbaerasɨ ókui vae, ani opaete imbaerasɨ güi taɨ oë vae, ani opaete oyemongɨa tëogüe rupi vae.

NÚMEROS 6:6

Oiko ramboeve nasareorä agüɨye toya tëogüe re,

NÚMEROS 6:9

Kia nunga vae omanoɨvɨ yave iyɨpɨ pe, ia oñeñono tee oï vae ikɨa ko Tumpa jóvai; jáeramo, chiúa ara pe oyetɨo yave, toñapiasɨ ia.

NÚMEROS 9:6

Ërei oime mbovɨ kuimbae reta ikɨa Tumpa jóvai vae, tëogüe oyavɨkɨ reta jeko pegua, mbaetɨ ipuere reta oyapo Pascua jókuae ara. Yogüɨraja reta Moisés jare Aarón jóvai jókuae ara,