NÚMEROS 18:6 - Biblia Guarani Tumpa Iñee

⁶ Echa, che ko aiparavo perëtara Leví iñemuña reta, Israel iñemuña reta ipɨte güi amee vaerä peve, oyeokuai reta vaerä tupao guakapi pegua pe;

NÚMEROS 18:6 ပူးပေါင်းရင်းမြစ်များ

GÉNESIS 6:17

Aruta ɨporu guasu ɨvɨ re, amokañɨtei vaerä opaete oikove kuae ara igüɨ pe vae reta. Jökorai opaete vae omanota.

GÉNESIS 9:9

“Mase, kuae morogüɨrökuavee päve añonota peve, jökorai vi peñemuña reta peraɨkue rupigua peguarä;

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 31:6

Jare amee imborɨarä Aholiab, Ahisamac taɨ, Dan iñemuña pegua jare opaete yarakuaa vae reta pe amee kɨ̈reɨ ngatu oyapo reta vaerä che royókuai vae:

ISAÍAS 48:15

Che ko jae, che ko aenɨi jare che ko aru, jáeramo, ojoa rupi, ojo kavi yaeta ko.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

EZEQUIEL 34:11

Echa yandeYa Tumpa jei körai: Mase, che etei ajata aeka chevecha reta jare aikuaata.

EZEQUIEL 34:20

Jáeramo, che peYa Tumpa jae körai peve: Mase, che ajäata jupi rupi kavi vecha reta ikɨra vae jare ipiru vae reta.

NÚMEROS 3:12

“Mase, che aiparavo Leví iñemuña reta Israel iñemuña reta ipɨte güi, opaete membɨrɨpɨ kuimbae reta jekovia pe; jayave chembae ko Leví iñemuña reta,

NÚMEROS 3:13

echa chembae ko opaete membɨrɨpɨ kuimbae reta. Ɨvɨ Egipto pe opa ayukauka membɨrɨpɨ kuimbae reta güive añono tee cheyeupe opaete membɨrɨpɨ kuimbae reta Israel iñemuña reta pegua, jaeramiño vi mɨmba imembɨrɨpɨ kuimbae reta, chembae ko. Che ko peYa.”

NÚMEROS 3:45

“Eiparavo cheve Leví iñemuña reta opaete Israel iñemuña taɨrɨpɨ reta jekovia pe, jaeramiño vi Leví iñemuña reta jɨmba reta Israel iñemuña reta jɨmba imembɨrɨpɨ kuimbae reta jekovia pe. Echa Leví iñemuña reta chembae ko. Che ko peYa.

NÚMEROS 3:6

“Emboatɨ Leví iñemuña reta jare eñono sacerdote Aarón Leví iñemuña jóvai oporomborɨ reta vaerä,

NÚMEROS 3:9

Emee Leví iñemuña reta omborɨ vaerä Aarón jare iñemuña reta; Israel iñemuña reta ipɨte güi ko oñemee chupe reta.