NÚMEROS 18:21 - Biblia Guarani Tumpa Iñee

²¹ Mase, che amee Leví iñemuña reta imbaerä opaete payandepo güi metei vae Israel iñemuña reta omee vae, echa jae reta oyeokuai kuae tupao guakapi pegua pe.

NÚMEROS 18:21 ပူးပေါင်းရင်းမြစ်များ

GÉNESIS 14:20

Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

GÉNESIS 47:24

Mbaagüɨye reta ñavo güi pemeeta Faraón pe pandepo vae güi metei, jare irundɨ vae pembaerä, peñotɨ ye vaerä jare peiko jese vaerä, pero pegua reta ndive, okaru vaerä pemichia reta.

GÉNESIS 47:26

Jayave José oñono kuae mborookuai opaete ɨvɨ Egipto re, pandepo vae güi metei Faraón peguarä mbaagüɨye reta ñavo güi; jaeño ete sacerdote reta mbaetɨta omee, echa jae reta iɨvɨ mbaetɨ ko opɨta Faraón imbaerä.

2 CRÓNICAS 31:12

oñono reta pɨpe mbaagüɨyerɨpɨ reta, jare payandepo ñavo vae güi metei oñemee vae reta jare mbaembae oñeñono tee yandeYa peguarä vae metei rami kavi. Jare oñono reta joko pe tenondeguarä, oyangareko vaerä opaete jókuae re levita Conanías jare jëtara Simei jae imborɨarä.

NEHEMÍAS 10:29

oñemoïru jëtara reta ndive, juvicha reta ndive, jare oñererökuavee reta Tumpa jee re yogüɨreko vaerä mborookuai jae omee jembiokuai Moisés rupi vae rupi, kërai jae reta oñovatuta jare oyapota opaete yandeYa iporookuai reta.

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

NEHEMÍAS 10:38

Jare jókuae levita reta yogüɨraja güeru vaerä jókuae payandepo güi metei vae yave, ojota jupíe metei sacerdote Aarón iñemuña. Javoi levita reta güɨraja yoapɨ yeta payandepo vae güi metei tupao guasu pe mbaembae oñeñovatúa pe, jókuae payandepo güi metei vae omboresivegüe güi,

NEHEMÍAS 12:44

Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

NEHEMÍAS 12:47

Zorobabel jare Nehemías yogüɨreko ramboeve, opaete vae reta omee tembíu ara ñavo otairari vae reta pe, jare öke iyangarekoa reta pe; jare omee reta vi levita reta pe, chupegua retarä vae, jare levita reta omee yoapɨ ye joko güi jëtara Aarón iñemuña sacerdote reta pe.

NEHEMÍAS 13:12

jare opaete vae Judá pegua güeru tupao guasu pe imbaembae payandepo vae güi metei vae: Güeru reta trigo, vino, asaite.

NEHEMÍAS 13:5

jare oiporuka yepe chupe cuarto tuicha vae oñeñovatuse pɨpe mbota reta vae, ikäti kavi vae incienso, tembiporu reta, jare payandepo güi metei oñemee trigo vae, vino vae, jare olivo iasaite reta güi vae, echa joko güi ko oñemeese yepi levita reta pe, otairari vae reta pe, öke iyangarekoa reta pe, jare vi mbota sacerdote reta peguarä oñemee vae.

MALAQUÍAS 2:4

Jókuae rupi peikuaata che ko amee kuae mborookuai oiko avei vaerä Leví iñemuña reta ndive cheporogüɨrökuavee päve.” Jei yandeYa Imbaepuere yae ete vae.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

NÚMEROS 18:6

Echa, che ko aiparavo perëtara Leví iñemuña reta, Israel iñemuña reta ipɨte güi amee vaerä peve, oyeokuai reta vaerä tupao guakapi pegua pe;

NÚMEROS 3:6

“Emboatɨ Leví iñemuña reta jare eñono sacerdote Aarón Leví iñemuña jóvai oporomborɨ reta vaerä,

NÚMEROS 31:28

Jare embosɨrɨ cheve jókuae ñeraro regua reta imbaerä vae güi, quiniento vae güi metei, kuimbae ani güeye yepe, mburika ani vecha yepe

Gálatas 6:6

Tumpa iñee re oyemboe vae, tomee mbaembae güɨnoi vae güi imboea pe.

DEUTERONOMIO 18:8

jare oyovake tomboresive tembíu, ïru reta ndive, oime reve güɨnoi imbaeyekou.

Hebreos 7:5

Leví iñemuña sacerdote reta güɨnoi mborookuai omboresive vaerä payandepo güi metei jëtara reta güi, Moisés iporookuai jei rami. Yepe tëi jae reta vi Abraham iñemuña.