NÚMEROS 18:20 - Biblia Guarani Tumpa Iñee

²⁰ Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 18:20 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

SALMOS 142:5

CheYa Tumpa, asapúkai ndeve, jae: “Nde ko jae chereepɨ vae; ndeño ko reï cheveguarä.”

SALMOS 16:5

CheYa, ndeño ko jae chembaeyekou; nde remee aiko vaerä.

SALMOS 73:26

Chesoo jare chepɨa ikangɨ, ërei nde cheRu Tumpa, jae ko chepɨa iñepɨ̈roa jare chembaeyekou opambae.

LAMENTACIONES 3:24

Che jae cheyeupe: “¡CheYa ndeño ko jae chembaeyekou; jáeramo jese aärota!”

EZEQUIEL 44:28

Oimeta jae reta imbaeyekou: Che ko aikota chupe reta imbaeyekourä, ërei agüɨyeta oñemee imbaerä ɨvɨ chupe reta Israel pe. Echa che etei ko jae reta imbae.

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

NÚMEROS 26:62

Jayave Leví iñemuña reta güi oyepapa veintitré mil, opaete kuimbae reta metei yasɨ vae güi kutɨ; echa mbaetɨ oyepapa Israel iñemuña reta ipɨte pe, echa mbaetɨta oñemee chupe reta iɨvɨrä Israel iñemuña reta ipɨte pe.

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 14:27

Agüɨye pemombo Leví iñemuña reta pepɨte pe yogüɨreko vae, echa chupe reta mbaetɨ oñemee ɨvɨ peve oñemee rami.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

JOSUÉ 13:14

Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

JOSUÉ 13:33

Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”

JOSUÉ 14:3

Echa Rubén jare Gad iñemuña reta pe jare Manasés iñemuña reta oyemboyaogüe pe Moisés omboyao ma ɨ̈aka Jordán jovaicho kotɨ; ërei Leví iñemuña reta pe mbaetɨ omboyao ɨvɨ.

JOSUÉ 18:7

Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.