NÚMEROS 18:19 - Biblia Guarani Tumpa Iñee

¹⁹ Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

NÚMEROS 18:19 ပူးပေါင်းရင်းမြစ်များ

2 REYES 12:16

Korepoti oñemee mbaeyoa re vae, jare teko re vae, mbaetɨ oyereraja yandeYa jo pe; echa sacerdote reta imbaerä ko.

2 CRÓNICAS 13:5

¿Mbaetɨ pa peikuaa yandeYa, Israel iTumpa omee mborookuai David pe Israel iñemuña reta re jekuae avei pegua, chupe jare iñemuña reta pe oyapo yukɨ morogüɨrökuavee päve jekuae avei pegua vae?

2 CRÓNICAS 31:4

Oyókuai vi Jerusalén pe yogüɨreko vae reta omee vaerä sacerdote reta pe jare levita reta imbaerä vae, oyeokuai reta vaerä opaete ara rupi yandeYa iporookuai jei rami.

ÉXODO 29:27

Embosɨrɨ ipɨtiagüe jare iugüe oñererökuavee oñemeegüe; jókuae vecha kuimbae güi oñererökuavee oñemeegüe, Aarón jare taɨ reta pe oñeñono tee vae.

EZEQUIEL 43:24

Emee cheve, jare sacerdote reta topɨyere yukɨ jese reta jare toapɨ reta mɨmba oyeyukagüe opaetei oyeapɨ vae cheve.

LEVÍTICO 2:13

Jare toyemboembochɨ opaete mbota temitɨ jäɨgüe oñemee vae, jare agüɨye etei toata yukɨ mbota oñemee vae pe, yukɨ morogüɨrökuavee päve pegua neTumpa ndive oyeapo vae; echa yukɨ oporomomaendúa aveita morogüɨrökuavee päve peyapo oyoupe vae re; jáeramo toñeñono avei yukɨ opaete mbota oñemee vae re.

LEVÍTICO 21:22

Tumpa pe mbɨyape oñemee vae güi, jare mbaembae oñeñono tee vae jare oñeñono tee kavi yae vae güi ipuere jou,

LEVÍTICO 7:14

Jare opaete mbota reta oñemee vae güi, toñemee mbota oñererökuavee oñemee cheve vae, topɨta sacerdote oñapiramo mɨmba oyeyukagüe yembopɨakatu pegua jugüɨgüe pe vae imbaerä.

NÚMEROS 18:11

Amee vi ndeve, nderaɨ reta jare nderayɨ reta yogüɨreko nde ndive vae pe, opaete mbota Israel iñemuña reta omee cheve vae güi, jekuae avei pegua; opaete ndero pegua oyetɨo Tumpa jóvai vae ipuere jou jókuae güi.

NÚMEROS 18:8

YandeYa jei ye Aarón pe: “Amee vi reyangareko vaerä cheve mbota reta oñemee cheve vae re. Opaete mbaembae Israel iñemuña reta oñono tee cheveguarä vae, amee ndeve roparavo jeko pegua, jare nderaɨ reta pe jekuae avei pegua.

NÚMEROS 31:29

jare emee sacerdote Eleazar pe mbɨte rupi, mbota cheveguarä.

NÚMEROS 31:41

Jare omee Moisés yandeYa peguarä mbota, sacerdote Eleazar pe, yandeYa oyókuai rami.

DEUTERONOMIO 12:26

Ërei mbae peñono tee, jare peñererökuavee pemee vaerä Tumpa pe vae, peru jókuae yandeYa oiparavoa pe,

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.