NÚMEROS 18:17 - Biblia Guarani Tumpa Iñee

¹⁷ Ërei guaka imembɨrɨpɨ toro raɨ, jare vecha imembɨrɨpɨ kuimbae, jare kavara imembɨrɨpɨ kuimbae, mbaetɨta oyemboepɨ; oñeñono tee vae reta ko; jókuae reta jugüɨgüe eñapiramo mɨmba oyeyuka oyeapɨ jese vae re, jare ikɨragüe eapɨ, mbota ipiche katu vae yandeYa pe.

NÚMEROS 18:17 ပူးပေါင်းရင်းမြစ်များ

ÉXODO 29:16

Javoi eyuka jókuae vecha kuimbae, jare jugüɨgüe pe eñapiramo mɨmba oyeyuka oyeapɨ jese vae re eroyere.

LEVÍTICO 17:6

Jare sacerdote toñapiramo jugüɨgüe pe mɨmba oyeyuka oyeapɨ jese vae, cheróvai oï vae, jare toapɨ ikɨragüe mbae ipiche katu vae cheveguarä.

NÚMEROS 18:16

Metei yasɨ ma güɨnoi vae güive toyemboepɨ, jepɨ rupi, jae ko pandepo siclo korepoti, o mbaemboetea pe korepoti ipoɨ oñejäa rami, metei siclo jae ko veinte geras.