NÚMEROS 18:16 - Biblia Guarani Tumpa Iñee

¹⁶ Metei yasɨ ma güɨnoi vae güive toyemboepɨ, jepɨ rupi, jae ko pandepo siclo korepoti, o mbaemboetea pe korepoti ipoɨ oñejäa rami, metei siclo jae ko veinte geras.

NÚMEROS 18:16 ပူးပေါင်းရင်းမြစ်များ

ÉXODO 30:13

Tomee opaete oyepapa vae cinco gramo korepoti cheve, o mbaemboete renda pe korepoti oñejäa rami. Cinco gramo korepoti ko jae mbota che peYa peguarä.

ÉXODO 38:24

Opaete mbota oro oyeporu mbaravɨkɨ pe tupao guakapi pegua peguarä vae, jae ko noveciento sesenta y cinco kilo jare treinta gramo, o mbaemboetea pe korepoti oñejäa rami.

EZEQUIEL 45:12

Siclo togüɨnoi veinte geras. Sesenta siclo, jae ko oyeapo metei mina.

LEVÍTICO 27:25

Opaete mbaerepɨ nde reñonogüe toiko o mbaemboetea pe korepoti ipoɨ oñejäa rami, veinte geras siclo ñavo.

NÚMEROS 18:15

Opaete kuimbae taɨrɨpɨ reta ani mɨmba imembɨrɨpɨ kuimbae reta güi oñemee cheve vae, toï ndembaerä; ërei kuimbae taɨrɨpɨ, toyemboepɨ; jare mɨmba oyeumbae imembɨrɨpɨ kuimbae, toyemboepɨ vi.

NÚMEROS 18:17

Ërei guaka imembɨrɨpɨ toro raɨ, jare vecha imembɨrɨpɨ kuimbae, jare kavara imembɨrɨpɨ kuimbae, mbaetɨta oyemboepɨ; oñeñono tee vae reta ko; jókuae reta jugüɨgüe eñapiramo mɨmba oyeyuka oyeapɨ jese vae re, jare ikɨragüe eapɨ, mbota ipiche katu vae yandeYa pe.

NÚMEROS 3:46

Israel iñemuña reta taɨrɨpɨ oasa dosciento setenta y tres pe Leví iñemuña reta. Jayave jókuae dosciento setenta y tres vae reta oyemboepɨ vaerä,

NÚMEROS 3:47

metei vae re eeka pandepo siclo korepoti; o mbaemboetea pe korepoti ipoɨ oñejäa rami, metei siclo jae ko veinte geras.