NÚMEROS 16:46 - Biblia Guarani Tumpa Iñee

⁴⁶ jare Moisés jei Aarón pe: —Eipɨɨ ikäti kavi vae incienso oyeapɨ pɨpe vae, jare eñono pɨpe tata mɨmba oyeyuka oyeapɨ jese vae pegua, jare eñono iárambo ikäti kavi vae incienso jare ekua aramoete tëta yatɨ ñogüɨnoi vae reta pɨri, jare eyapo chupe reta Tumpa iñɨ̈ro vaerä mbaeyoa re, echa yandeYa iyarasɨ ou ma; omboɨpɨ ma omano ñogüɨnoi jeta vae.

NÚMEROS 16:46 ပူးပေါင်းရင်းမြစ်များ

1 CRÓNICAS 27:24

Joab, Sarvia imembɨraɨe omboɨpɨ oipapa, ërei mbaetɨ opa oipapa, echa kuae re yandeYa iyarasɨ Israel kotɨ. Jáeramo mbaetɨ oyekuaa mbovɨ vae tembikuatía pe, mburuvicha guasu David imbae pe.

SALMOS 106:29

Jeko reta ikavimbae pe omboarasɨuka reta Tumpa, jare ou manoɨvɨ jese reta.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

LEVÍTICO 10:6

Jayave Moisés jei Aarón pe jare taɨ reta Eleazar jare Itamar pe: —Agüɨye peekɨ peäka-ɨru, agüɨye pemondoro peremimonde mbɨatɨtɨ jeko pegua, agüɨye vaerä pemano, agüɨye vaerä Tumpa iyarasɨ ou opaete perëtara reta re, ërei opaete Israel iñemuña reta tipɨatɨtɨ kuae yandeYa opa oapɨ vae reta re.

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

HABACUC 3:5

Jenonde yogüeru mbaerasɨ yavaetegüe oporoyuka vae jare jaɨkue takuasɨ.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

NÚMEROS 1:53

ërei Leví iñemuña reta toyembojeyupa tupao guakapi pegua iyɨ́vɨri oäro reta vaerä; agüɨye vaerä Tumpa iyarasɨ oa Israel iñemuña reta re.”

NÚMEROS 11:33

Jare oñono ma iyuru pe yave, ndei omókoi mbove yandeYa iyarasɨ oa tëta re, jare jeta yae omano vae jókuae mbaeporara tuicha yae ete vae pe.

NÚMEROS 18:5

pe reta peyapo mbaravɨkɨ o mbaemboetea pegua jare mɨmba oyeyuka oyeapɨ jese vae pegua, agüɨye vaerä mo ou arasɨ Israel iñemuña reta re.

NÚMEROS 25:13

güɨnoita jae jare iñemuña reta jae jaɨkue rupi, morogüɨrökuavee sacerdote pegua jekuae avei pegua, jägüɨro cheré jeko pegua jare oyapo Israel iñemuña reta re Tumpa iñɨ̈ro vaerä mbaeyoa re.

NÚMEROS 25:8

jare ojo jókuae Israel iñemuña reta pegua jaɨkue o guakapi pegua pe, jare oɨe rasa päve, kuimbae Israel iñemuña pegua jare kuña Madián pegua. Javoi osondo mbaerasɨ pɨ̈chɨi yae vae oparapiti oï Israel iñemuña reta ipɨte rupi vae,

NÚMEROS 8:19

Che ko amee Leví iñemuña reta, Aarón jare taɨ reta pe, opaete Israel iñemuña reta ipɨte güi, oyeokuai reta vaerä tupao guakapi pegua pe, Israel iñemuña reta jekovia pe; agüɨye vaerä maratu oasa Israel iñemuña reta oya yave o mbaemboetea re.”

DEUTERONOMIO 9:22

Jökoraiño vi Tabera pe, Masah pe jare Kibrot-hataava pe, pemboarasɨuka yandeYa.