NÚMEROS 16:40 - Biblia Guarani Tumpa Iñee

⁴⁰ Israel iñemuña reta imaendúa avei jese vaerä, kërai mbaetɨta kia nunga vae, Aarón iñemuñambae vae ipuere oya güɨrökuavee vaerä ikäti kavi vae incienso yandeYa jóvai, agüɨye vaerä oasa Coré jare jupiegua reta rami; yandeYa omombeu tëi Moisés rupi chupe rami.

NÚMEROS 16:40 ပူးပေါင်းရင်းမြစ်များ

ESDRAS 2:62

Kuae reta oeka tëi iñemuñagüe reta jee tupapire pe tee oñemoapɨtaa pe, jare mbaetɨ oväe reta, jáeramo omoë reta mbaravɨkɨ sacerdote pegua güi.

SALMOS 115:10

Aarón iñemuña sacerdote reta, ¡peyeko yandeYa re! Jae ko pemborɨ jare peangareko vae.

EZEQUIEL 40:46

jare cuarto omae ɨvɨtuguasu kotɨ vae, jae ko sacerdote reta mɨmba oyeyuka oyeapɨ jese vae iyangarekoa reta imbae; jae ko Sadoc iñemuña reta, kuae reta oyeparavo Leví iñemuña reta güi oyeokuai vaerä yandeYa pe.”

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

LEVÍTICO 22:10

Agüɨye kia nunga vae sacerdote iñemuña peguambae vae tou kuae mbota oñeñono tee vae güi. Agüɨye tou mbota oñeñono tee vae güi sacerdote imboupa ani oparavɨkɨ chupe vae.

NÚMEROS 1:51

Jare jókuae tupao guakapi pegua oyereroyakavota yave, Leví iñemuña reta topa toekɨ, jare jae reta tomopüa ye peyembojeyupataa pe; jare oipotagüeño oya yave jese tomano.

NÚMEROS 16:39

Jare sacerdote Eleazar oipɨɨ ikäti kavi vae oyeapɨse pɨpe vae reta, jiero iyu vae pegua, jókuae okaigüe reta güɨrökuavee tëi pɨpe vae; jare omboipe reta oyapo vaerä pɨpe mɨmba oyeyuka oyeapɨ jese vae iñovakarä,

NÚMEROS 3:10

Eñono Aarón jare opaete iñemuña oyapo reta vaerä sacerdote pegua mbaravɨkɨ; ërei oipotagüeño oyapo yave jókuae mbaravɨkɨ, tomano.”

NÚMEROS 3:38

Tupao guakapi pegua güi kuaraɨ oëa kotɨ toyembojeyupa Moisés, Aarón jare taɨ reta, jae reta toyangareko o mbaemboetea re ïru Israel iñemuña reta jekovia pe. Oipotagüeño oyapo yave jókuae mbaravɨkɨ, tomano.

Hebreos 5:4

Jare mbaetɨ kia ipuere oyeparavo jaeiño, oiko vaerä sacerdote tenondegua eterä. Jaeño Tumpa oiparavo vae ipuere oiko sacerdote tenondegua eterä, Aarón oyeparavo vae rami.

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.