NÚMEROS 16:30 - Biblia Guarani Tumpa Iñee

³⁰ Ërei ngatu yandeYa oyapo yave mbae ipɨau vae, jare ɨvɨ oyepeka yave, jare opa omókoi yave jekove reve opaete imbaembae ndive, jayave peikuaata kuae kuimbae reta ko güɨröɨro yandeYa vae.

NÚMEROS 16:30 ပူးပေါင်းရင်းမြစ်များ

JOB 31:2

Echa, ¿mbae pa Tumpa Imbaepuere yae ete vae omeeta cheve ɨvate güi?

JOB 31:3

¿Jeko pɨ̈chɨi vae retaä yera osusereta, ani iyoa vae reta?

SALMOS 124:3

opata tëi ko ñanemokañɨtei reta metei jeia pe, iyarasɨ yae yandekotɨ jeko pegua.

SALMOS 55:15

¡Tomanoɨvɨ cherovaicho! ¡Tojo omanogüe reta ñogüɨnoia pe jekove reve, echa oime ikavimbae ipɨa pe jare jo pe!

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:7

Che ko ayapo tembipe jare pɨtumimbi, che ayapo mbɨakatu jare tembiporara. Che, opaete iYa ko ayapo opaete kuae mbaembae.”

JEREMÍAS 31:22

¿Kërai yave regua pa reikota, kuñatai iñeereendumbae rami? Che ndeYa, ayapota mbae ambuaeyee vae kuae ɨvɨ pe, jae ko: Kuñai oyangarekota kuimbae re vae rami vae.”

EZEQUIEL 31:14

Agüɨye vaerä ma metei ave ɨvɨra reta oyembotuicha iyé ɨ iyɨ́vɨri ñogüɨnoi vae reta, ani oyemboɨvate yae, ani oyembotuicha ɨvate yae jeko pegua. Echa opaete vae omano vaerä ko, ojo retata ko ɨvɨgüɨ pe, omanogüe reta ñogüɨnoia pe.

NÚMEROS 16:31

Jare Moisés opa ma imiari opaete kuae ñee reta yave, oyepeka ɨvɨ oyemboɨ reta ñogüɨnoia pe.

NÚMEROS 16:33

Jökorai jae reta opaete imbaembae ndive oa jekove reve omanogüe reta ñogüɨnoia pe, jare ɨvɨ oyeokenda ye. Jökorai opa okañɨtei reta opaete yatɨ vae reta ipɨte güi.