NÚMEROS 16:29 - Biblia Guarani Tumpa Iñee

²⁹ Opaete kuimbae reta omano ramiño kuae reta omano yave, ani kuimbae ñavo ndive oasa ramiño kuae reta oasa yave, jökorai yave mbaetɨ ko yandeYa chembou.

NÚMEROS 16:29 ပူးပေါင်းရင်းမြစ်များ

1 REYES 18:36

Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

1 REYES 22:28

Micaías jekuae jei ye: “Nde reyerova ko mbɨakatu ndive yave, yandeYa mbaetɨ ko jayave imiari cherupi.” Jare jei opaete vae reta pe: “¡Opaete vae reta, peendu!”

2 CRÓNICAS 18:27

Jare Micaías jei: “Nde reyerova ye ko ndepɨakatu reve yave, yandeYa mbaetɨ ko jayave imiari cherupi.” Jei ye vi: “Peendu opaete vae.”

JOB 35:15

Añave ikaviño, echa mbaetɨño oiporarauka iyarasɨ rupi, mbaetɨño oyangareko mbatee oyovaicho jae ndive vae re.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

ECLESIASTÉS 3:19

Echa añetete kuimbae reta jare mɨmba reta oyovakeño ko; kuimbae reta omano jare mɨmba reta omano vi; oyovakeño ko oikove opaete vae; kuimbae mbaetɨ puku jekove mɨmba reta güi; opaete kuae mbaeä etei ko.

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

JEREMÍAS 5:9

Kuae jeko pegua, ¿amaeñota ra jese reta? Jei yandeYa. Körai tëtaguasu vae pe, ¿mbaetɨta ra jupi aiporarauka chupe teko oyapogüe re?

LAMENTACIONES 4:22

Sión pegua reta, jae ma iyapɨ reiporara vae; Tumpa ngaraa ye ma omaeño reyereraja tembipɨɨrä. Ërei, pe Edom pegua reta, Tumpa oiporaraukata peyoa re peve, omboyekuaata pembaeyoa reta.

Apocalipsis 11:5

Oime yave kia oipota tëi oyapo ikavimbae vae jókuae mókoi kuimbae reta pe vae, oëta tata jókuae mókoi kuimbae reta iyuru güi jare opata oapɨ jovaicho reta. Jökoraita omano kia oipota tëi oyapo ikavimbae chupe reta yave.