NÚMEROS 16:28 - Biblia Guarani Tumpa Iñee

²⁸ Jare Moisés jei: —Kuae rupi peikuaata yandeYa ko chembou ayapo vaerä opaete kuae mbaembae vae, mbaetɨ ko ayapo cheyeugüi aeño.

NÚMEROS 16:28 ပူးပေါင်းရင်းမြစ်များ

1 REYES 18:36

Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 4:12

Añave ekua jare che ameeta neñeerä jare romboeta kërai nemiari vaerä.

ÉXODO 4:15

Nde nemiarita chupe opaete ñee reta; che ameeta peve peñeerä, pomboeta mbae ko peyapota vae re.

ÉXODO 7:9

—Faraón jei yave peve: “Peechauka mɨakañɨ,” nde rereta Aarón pe: “Eipɨɨ ndepopoka jare eitɨ Faraón jóvai oyeapo vaerä mboirä.”

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

EZEQUIEL 13:17

Nde kuimbae, añave emboeta kuña reta nerëtaɨgua iyeugüi aeño mbae omoërakua vae reta pe, emombeu maratuta vae ikotɨ reta.

ZACARÍAS 2:9

Mase, ko chepo añono jese reta, jembiokuai ae reta opɨ̈rota imbaembae reta chugüi.” Jökorai peikuaata yandeYa Imbaepuere yae ete vae ko chembou.

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

NÚMEROS 24:13

yepe tëi Balac omotɨnɨe jo omee cheve korepoti jare oro, ngaraa chepuere ayavɨ yandeYa iñee, ayapo vaerä mbae ikavi vae yepe ani mbae ikavimbae yepe, chepɨa jemimbota rupi aeño; yandeYa mbae jei vae, jokuaeño jaeta.

San Juan 11:42

Aikuaa ko reendu avei cheve, ërei jae körai, kuae cheɨpɨ rupi jeta ñogüɨnoi vae reta oikuaa vaerä, güɨrovia vaerä nde ko chembou vae.

San Juan 14:11

Perovia che meteiño ko cheRu ndive, jare cheRu meteiño che ndive. Ërei yepe tëi mbaetɨ chererovia, chererovia ayapogüe reta re.

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

San Juan 5:36

Ërei che oime anoi imiari cheré vae, oasa yé chemombeu Juan imiari cheré vae güi. CheRu oipota opa ayapo vaerä mbaravɨkɨ omee cheve vae, jókuae ko oechauka cheRu ko chembou vae.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

DEUTERONOMIO 18:22

Jókuae ñeemombeúa imiari yave Tumpa jee re, jare mbaetɨ yave oyembopo jeigüe, jókuae ñee jeigüe Tumpa iñeeä ko, oyembotuicha güiño ko imiari jókuae ñeemombeúa; agüɨye pekɨɨye chugüi.