NÚMEROS 16:26 - Biblia Guarani Tumpa Iñee

²⁶ Jare jae imiari yatɨ vae reta pe, jei reve: —Pesɨrɨ kuae kuimbae reta oyemboyovaicho Tumpa kotɨ vae reta jo guakapi pegua güi, jare agüɨye etei imbaembae re pepoko, agüɨye vaerä pe reta vi pemano jae reta imbaeyoa jeko pegua.

NÚMEROS 16:26 ပူးပေါင်းရင်းမြစ်များ

GÉNESIS 19:17

Güɨnoe ma ikatu pe yave jei reta chupe: —¡Etekuarai agüɨye vaerä remano! Agüɨye eyerova emae nderaɨkue kotɨ, jare agüɨye etei epɨta kuae ñuu rupi, etekuarai ɨvɨtɨ kotɨ agüɨye vaerä rekañɨtei.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

NÚMEROS 16:25

Jayave Moisés opüa jare ojo Datán jare Abiram pɨri, jare opaete Israel iñemuña itenondegua reta vi yogüɨraja jupíe.

San Mateo 10:14

Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.

Hechos 13:51

Jayave Pablo jare Bernabé omotumo ɨvɨkúi ipɨ güi, oechauka vaerä tëta guasu pegua reta ko teko güɨnoi; javoi yogüɨraja oväe tëta guasu Iconio pe.

Hechos 8:20

Ërei Pedro jei chupe: —Nde rekañɨteita ko ndekorepoti ndive. Echa reyemongeta regua vaerä korepoti re mbota Tumpa omee vae.

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;