NÚMEROS 16:18 - Biblia Guarani Tumpa Iñee

¹⁸ Jayave metei ñavo oipɨɨ ikäti kavi vae incienso oyeapɨ pɨpe vae imbae ae, jare oñono reta pɨpe tata, jare opɨyere jese ikäti kavi vae incienso, jare yogüeru reta oñeñono tupao guakapi pegua jöke pe, Moisés jare Aarón ndive.

NÚMEROS 16:18 ပူးပေါင်းရင်းမြစ်များ

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

LEVÍTICO 16:12

Jaɨkue rupi toipɨɨ metei ikäti kavi vae incienso oyeapɨ pɨpe vae, tomotɨnɨe tätapɨi pe, mɨmba oyeyuka oyeapɨ jese vae cheróvai oï vae güi, jare mókoi poagua togüɨraja incienso ikäti kavi vae oyeyosogüe, jare togüɨroike tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe.

LEVÍTICO 16:13

Jare toñono jókuae ikäti kavi vae incienso tata pe, cheróvai, jare jätati toñova ñɨ̈ro renda, käjou yemomaendúa pegua iárambo oï vae. Jökorai agüɨye vaerä omano sacerdote Aarón.

NÚMEROS 16:17

jare toipɨɨ metei ñavo vae, ikäti kavi vae incienso oyeapɨ pɨpe vae imbae ae, jare peñono pɨpe ikäti kavi vae incienso, jare peya katu yandeYa jóvai metei ñavo vae ikäti kavi vae incienso oyeapɨ pɨpe vae ndive, dosciento cincuenta ikäti kavi vae incienso oyeapɨ pɨpe vae. Nde jare Aarón peraja vi pembae ae ikäti kavi vae incienso oyeapɨ pɨpe vae.

NÚMEROS 16:19

Coré opa ma yepe omboatɨuka tëta pegua reta Moisés jare Aarón kotɨ, tupao guakapi pegua jöke pe; jayave yandeYa iyemboetea oyekuaa opaete yatɨ vae reta pe,

NÚMEROS 16:37

“Ere Eleazar sacerdote Aarón taɨ pe toekɨ ikäti kavi vae incienso oyeapɨ pɨpe vae reta, tata jendɨ vae güi, jare tata oimeño oï pɨpe vae tomombo matɨ; echa oñeñono tee ko,

NÚMEROS 16:48

jare oñeñono omanogüe reta jare oikove vae reta ipäu pe; jare osondo jókuae jeta omano ñogüɨnoi vae,