NÚMEROS 16:17 - Biblia Guarani Tumpa Iñee

¹⁷ jare toipɨɨ metei ñavo vae, ikäti kavi vae incienso oyeapɨ pɨpe vae imbae ae, jare peñono pɨpe ikäti kavi vae incienso, jare peya katu yandeYa jóvai metei ñavo vae ikäti kavi vae incienso oyeapɨ pɨpe vae ndive, dosciento cincuenta ikäti kavi vae incienso oyeapɨ pɨpe vae. Nde jare Aarón peraja vi pembae ae ikäti kavi vae incienso oyeapɨ pɨpe vae.

NÚMEROS 16:17 ပူးပေါင်းရင်းမြစ်များ

ÉXODO 27:3

Opaete mɨmba oyeyuka oyeapɨ jese vae pegua tembiporu reta, toyeapo jiero iyu vae pegua, tanimbu jɨru, sɨpe, tasa guasu, tätapɨi imomboa jare tätapɨi jɨru.

EZEQUIEL 8:11

Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.

NÚMEROS 16:16

Jaɨkue rupi Moisés jei Coré pe: —Nde jare opaete nderupiegua, pɨareve peñeñono yandeYa jóvai; jare Aarón vi oïta joko pe;

NÚMEROS 16:18

Jayave metei ñavo oipɨɨ ikäti kavi vae incienso oyeapɨ pɨpe vae imbae ae, jare oñono reta pɨpe tata, jare opɨyere jese ikäti kavi vae incienso, jare yogüeru reta oñeñono tupao guakapi pegua jöke pe, Moisés jare Aarón ndive.

1 SAMUEL 12:7

Añave peyeapo katu, ayoakata pe reta ndive yandeYa jóvai, jae iporoparareko pekotɨ vae re jare peñemuñagüe reta kotɨ vae re.