NÚMEROS 16:15 - Biblia Guarani Tumpa Iñee

¹⁵ Jayave Moisés iyarasɨ yae ete, jare jei yandeYa pe: —¡Agüɨye emae mbota güerugüe reta re! Mbaetɨ ko apɨ̈ro metei mburika ave yepe chugüi reta, jare metei vae pe ave mbaetɨ ayapo ikavimbae.

NÚMEROS 16:15 ပူးပေါင်းရင်းမြစ်များ

2 SAMUEL 22:22

echa che aguata yandeYa jeia rupi; ¡mbaetɨi apia cheTumpa güi!

ÉXODO 32:19

Jare Moisés ou ma oväe teyupa pe yave, oecha toro taɨrusu vae iä, jare güɨropo ñogüɨnoi vae, jare Moisés ou iyarasɨ jare oitɨ ɨvɨ re mókoi ita ipe vae güerugüe, opa oyoka ɨvɨtɨ igüɨ pe;

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

NÚMEROS 12:3

Jare jókuae kuimbae Moisés ipɨaguasu yae vae ko, opaete kuimbae reta ɨvɨ pegua güi.

NÚMEROS 16:16

Jaɨkue rupi Moisés jei Coré pe: —Nde jare opaete nderupiegua, pɨareve peñeñono yandeYa jóvai; jare Aarón vi oïta joko pe;

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

1 Corintios 9:15

Ërei che mbaetɨ etei kia chemborɨ vae. Mbaetɨ vi kuae aikuatía vae rupi aiporu aï peve chemborɨ vaerä. ¡Ikavi ko amano kia chemborɨmbae reve, echa jókuae ko jae cheyerovia!

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 7:2

Peikuaauka oreve kërai ko oreraɨu. Ore mbaetɨ etei royapo ikavimbae vae kia pe. Mbaetɨ etei rogüɨrokomegua kia ave. Mbaetɨ vi kia rombotavɨ.

Efesios 4:26

Pearasɨ yave, agüɨye peyoa. Agüɨye kuaraɨ toike peve pearasɨ reve.

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.