NÚMEROS 15:35 - Biblia Guarani Tumpa Iñee

³⁵ Jare yandeYa jei Moisés pe: “Tomano jókuae kuimbae; opaete vae toyapi toyuka ita pe, teyupa güi ikatu pe.”

NÚMEROS 15:35 ပူးပေါင်းရင်းမြစ်များ

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

LEVÍTICO 20:2

“Ere Israel iñemuña reta pe: Oipotagüe Israel iñemuña reta ani ketɨgua reta yogüɨreko pepɨte pe vae omee yave imichia tumpa-raanga Moloc jee vae pe, tomano, jókuae tëtaɨgua reta toyapi toyuka ita pe.

LEVÍTICO 20:27

Kuimbae ani kuña oparavɨkɨ aña ndive vae ani imbaekuaa vae reta, toyeyuka oñeärombae reve ita pe; jae reta aeño ko jeko iyeupe imano re.”

LEVÍTICO 24:23

Jare Moisés imiari Israel iñemuña reta pe, jare jae reta güɨnoe teyupa güi, jókuae Tumpa oyangao vae, jare oyapi reta ita pe oyuka. Jökorai Israel iñemuña reta oyapo, yandeYa oyókuai Moisés vae rami.

NÚMEROS 15:36

Jayave opaete vae, güɨnoe teyupa güi ikatu pe, jare oyuka reta ita pe, yandeYa oyókuai Moisés vae rami.

San Lucas 4:29

Jayave jae reta opüa jare omombo Jesús tëta guasu güi ikatu pe, güɨraja reta ɨvɨtɨ iyapɨte re omombo vaerä tëi ɨvɨ kotɨ joko güi. Jókuae tëta guasu oï jókuae ɨvɨtɨ guasu re.

Hechos 7:58

Jare güɨraja ma tëta guasu güi ikatu pe yave, oyapi reta ita pe. Jare jókuae iyapu reve oñeapo jese vae reta omboi jemimonde oñono metei kuimbae taɨrusu vae Saulo jóvai.

DEUTERONOMIO 21:21

Jayave opaete kuimbae reta tëta pegua toyapi ita pe toyuka. Jökorai peekɨ ikavimbae pepɨte güi, jare opaete Israel iñemuña reta oendu yave oipoɨuta.