NÚMEROS 15:30 - Biblia Guarani Tumpa Iñee

³⁰ Ërei kia nunga vae oyapo mbae ipɨapochɨ rupi yave, kuae pegua ani ketɨgua, yandeYa kotɨ ko oyavɨ; jókuae nunga toyemombo ete kavi jëtara reta ipɨte güi.

NÚMEROS 15:30 ပူးပေါင်းရင်းမြစ်များ

GÉNESIS 17:14

Kuimbae oyembocircuncidambae, jókuae nunga toyemombo jëtara reta ipɨte güi, echa oyavɨ ko cheporogüɨrökuavee päve kotɨ.

JOB 38:15

Tembipe omboavai iyoa vae reta, jare omomburu vae mbaetɨ oyapo.

SALMOS 19:13

Che nderembiokuai, cheövatu vi pɨapochɨ güi, agüɨye togüɨnoi mbaepuere cheré; jayave opaeteita chekɨambae reve aiko, jare aiko teeta chekɨambae pɨapochɨ güi.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

SALMOS 74:22

¡Epüa cheRu Tumpa! ¡Eyeepɨ! ¡Emae kërai yarakuaambae reta ndeangao ara ñavo!

SALMOS 79:12

CheRu Tumpa, eyepɨasɨ yeyé orerëta-ɨpɨ pegua reta re, ikavimbae oyapo ndekotɨ reta jare ndemboetembae re,

SALMOS 89:51

CheYa Tumpa, ¡nderovaicho reta mbaetɨ oporomboete! ¡Jökorai mbaetɨ omboete reta nderembiparavo!

ÉXODO 21:14

Ërei kia nunga vae iyarasɨ japicha kotɨ jare oyuka yave jekombae reve, mɨmba oyeyuka oyeapɨ jese vae chembae re oñepɨ̈ro tëi reve penoe joko güi, omano vaerä.

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

EZEQUIEL 20:27

“Jáeramo, nde kuimbae, nemiari Israel iñemuña reta pe, ere chupe reta: ‘YandeYa Tumpa jei körai: Peñemuñagüe reta körai vi chemboarasɨuka, oyembopɨapochɨ reta yave chekotɨ.’

LEVÍTICO 20:10

Metei kuimbae oiko yave aguasa rupi japicha jembireko ndive, jókuae menda re oyuvanga vae reta, tomano opa reve oñeärombae reve.

LEVÍTICO 20:3

Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

NÚMEROS 15:29

Metei mborookuaiño toï peveguarä jare ketɨgua yogüɨreko pepɨte pe vae pe; metei mborookuaiño toï oikuaambae reve oyavɨ vae peguarä.

NÚMEROS 9:13

Ërei mbaetɨ oyapo Pascua vae, yepe tëi mbaetɨ ikɨa ani ketɨ ojo; jókuae nunga toyemombo ete kavi jëtara reta ipɨte güi. Mbaetɨ omee mbota yandeYa pe oñemeeta tëi vae jeko pegua, toiporara iyoa re.

San Mateo 12:32

Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

DEUTERONOMIO 1:43

Amombeu tëi peve, ërei ngatu pe reta mbaetɨ chererovia, yandeYa iporookuai peendumbaeño opa peyeupi ɨvɨtɨ re peyomborɨ katu yae reve.

DEUTERONOMIO 32:27

ërei aipoɨu tovaicho reta jeita vae güi, mbaetɨ aipota oyemboete tovaicho reta; echa jei retata: Orembaepuere ko oyapo opaete kuaekuae; mbaetɨ ko Tumpa oyapo.’

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

2 Pedro 2:10

Jae ko omomoe soo jemimbota pɨ̈chɨi vae oyapo vae reta jare güɨröɨro reta yandeYa imbaepuere. Ipɨayemboete reta jare ñäteɨ oyapo mburuvicha reta jei vae, mbaetɨ oipoɨu reta jei vaerä ikavimbae vae Tumpa iaraɨgua reta kotɨ;

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.

1 SAMUEL 3:14

Jáeramo, che amombeu kavi voi cheree re Elí iñemuña reta pe, kërai imbaeyoa reta ngaraa mai oyemboai, mɨmba oyeyukagüe reta pe ave ani mbota reta pe ave.