NÚMEROS 14:43 - Biblia Guarani Tumpa Iñee

⁴³ Echa Amalec iñemuña reta jare Cam iñemuña reta oime ñogüɨnoi joko pe perenonde, peyeyukaukata ko chupe reta; echa peäteɨ ma peguata yandeYa jupíe, jáeramo ngaraa ma yandeYa oï pe ndive.

NÚMEROS 14:43 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

SALMOS 44:10

Orembotekuaraiuka orerovaicho reta pe, jare oremotareɨ vae reta opa opɨ̈ro orembaembae güɨraja iyeupe.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

NÚMEROS 13:29

Amalec iñemuña reta oime ñogüɨnoi Neguev pe, heteo reta, jebuseo reta jare amorreo reta ñogüɨnoi ɨvɨtɨ reta re, jare cananeo reta ñogüɨnoi ɨguasu jare ɨ̈aka Jordán ipäu pe.

NÚMEROS 14:25

Mase, Amalec iñemuña reta jare Cam iñemuña reta yogüɨreko ɨvɨtɨ ipäu pe; peyerova pɨareve jare peë ñuu pe, tape ojo Ɨguasu Pɨ̈ta vae kotɨ vae rupi.

NÚMEROS 14:42

Agüɨye pekua, echa yandeYa mbaetɨ oï pe ndive, agüɨye peyeyukaukaiño perovaicho reta pe.

NÚMEROS 14:44

Ërei ngatu, jae reta ipɨayemboete jare oyeupi reta ɨvɨtɨ iyapɨte re; ërei käjou morogüɨrökuavee päve pegua yandeYa imbae, jare Moisés mbaetɨ omɨi teyupa güi.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

JOSUÉ 22:15

Opaete kuae reta yogüɨraja Galaad kotɨ, Rubén jare Gad iñemuña reta jare Manasés iñemuña reta oyemboyaogüe ñogüɨnoia pe, jare omomiari reta jei reta reve:

JOSUÉ 7:12

Jáeramo Israel iñemuña reta ngaraa ipuere oñeraro jovaicho reta ndive, otekuaraiñota jovaicho reta güi; echa oa reta cheyepopeyu pe; ngaraa ye ma aï pe ndive, mbaetɨ yave pemboai peyeugüi yepopeyu oï jese vae, kuae pepɨte pe oï vae.

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.