NÚMEROS 14:33 - Biblia Guarani Tumpa Iñee

³³ pemichia reta yogüɨrekota vecha iyangarekoarä, oguatata yogüɨreko kuae ñuu rupi cuarenta año rupi, jae reta oiporarata pepɨapochɨ reta, opa regua okañɨtei perete kuae ñuu rupi.

NÚMEROS 14:33 ပူးပေါင်းရင်းမြစ်များ

SALMOS 107:4

Opa yepi jopa reta ñuu rupi, tapembaea kïrii ngatúa rupi, mbaetɨ oväe reta tëta guasu, pɨpe yogüɨreko vaerä;

SALMOS 107:40

Tumpa omotareɨ oiporarauka chupe vae reta, jáeramo ko, opa ombojopauka reta ñuu rupi, tapembaea rupi omboguataukaiño reta.

SALMOS 78:33

Jáeramo, iara omboapɨ chugüi reta jarembae pegua, jare iaño reta mbɨatɨtɨ yavaetegüe pe.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

NÚMEROS 32:13

Jare yandeYa iyarasɨ Israel iñemuña reta kotɨ, jáeramo omboguatauka ñuu rupi cuarenta año, opa regua jókuae jeko pɨ̈chɨi vae reta omano yandeYa jóvai.

NÚMEROS 33:38

Jare sacerdote Aarón oyeupi ɨvɨtɨ Hor re, yandeYa jei chupe rami, jare joko pe omano, cuarenta año ma Israel iñemuña reta ñogüɨnoe ɨvɨ Egipto güi yave, tenondegua ara pe, yasɨ pandepoa pe.

NÚMEROS 5:31

Kuimbae mbaetɨta jeko, jare kuña toiporara iyoa re.”

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 2:14

Cades-barnea güive yaguata yaiko yaasa regua ɨ̈aka Zered vae jae ko treinta y ocho año. Jayave rupi opa ma kuimbae ñeraro regua reta omano, yandeYa jae jee re ae jei rami.

DEUTERONOMIO 2:7

Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.

DEUTERONOMIO 29:5

Che pogüɨroata ma cuarenta año kuae ñuu rupi, ërei peremimonde jare pepɨapaa mbaetɨ indechi pegüi.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

DEUTERONOMIO 8:4

Peremimonde mbaetɨ indechi perete re, pepɨ ave mbaetɨ iruru kuae cuarenta año reta rupi.

JOSUÉ 14:10

Añave, yandeYa omee aiko vaerä, jae jei rami, kuae cuarenta y cinco año ma oasa yandeYa imiari kuae ñee reta Moisés pe güire, Israel iñemuña reta oguatase yave ñuu rupi, jare añave anoi ma ochenta y cinco año.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.