NÚMEROS 14:29 - Biblia Guarani Tumpa Iñee

²⁹ Kuae ñuu pe opata ogüɨapi perete; opaete jókuae peyepapauka vae, veinte año güi kutɨ, iñeenguru chekotɨ vae reta.

NÚMEROS 14:29 ပူးပေါင်းရင်းမြစ်များ

SALMOS 106:26

Jáeramo, jae ipo oupi reve jei jee re aeño opa vaerä omokañɨtei reta ñuu pe,

SALMOS 78:33

Jáeramo, iara omboapɨ chugüi reta jarembae pegua, jare iaño reta mbɨatɨtɨ yavaetegüe pe.

EZEQUIEL 20:38

Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.

NÚMEROS 1:45

Jare opaete Israel iñemuña reta güi oyepapagüe, metei tu ñavo rupi, opaete kuimbae veinte año güi kutɨ, opaete ipuere ma ñeraro pe yogüɨraja vae reta,

NÚMEROS 1:46

jae ko seisciento tres mil quiniento cincuenta.

NÚMEROS 26:64

Jare kuae reta ipɨte pe mbaetɨ metei ave, jókuae Moisés jare Aarón oipapa ñuu Sinaí pe vae güi,

NÚMEROS 26:65

echa yandeYa omoërakua opata ko omano ñuu rupi vae; chugüi reta mbaetɨ metei kuimbae ave jembɨre, jaeño Caleb Jefone taɨ, jare Josué Nun taɨ.

1 Corintios 10:5

Ërei jeta chugüi reta mbaetɨ ombopɨakatu Tumpa, jáeramo opa oyukauka oeya ñuu rupi.

DEUTERONOMIO 2:14

Cades-barnea güive yaguata yaiko yaasa regua ɨ̈aka Zered vae jae ko treinta y ocho año. Jayave rupi opa ma kuimbae ñeraro regua reta omano, yandeYa jae jee re ae jei rami.

Hebreos 3:17

Jáeramo Tumpa iyarasɨ cuarenta año jókuae ñaneñemuñagüe reta pe, iyoa reta ramo opa omano ñuu rupi.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.

Judas 1:5

Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.