NÚMEROS 14:22 - Biblia Guarani Tumpa Iñee

²² Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,

NÚMEROS 14:22 ပူးပေါင်းရင်းမြစ်များ

GÉNESIS 31:41

Jökorai aiko veinte año ndero pe; catorce año aparavɨkɨ ndeve kuae mókoi nderayɨ re, jare ova año nderɨmba reta re, jare cheparavɨkɨ jepɨ reipoepɨ avei chegüi.

GÉNESIS 31:7

jare peru chembotavɨ; cheparavɨkɨ jepɨ oipoepɨ avei chegüi, ërei ngatu, Tumpa mbaetɨ omaeño jese oyapo vaerä cheve ikavimbae;

JOB 19:3

Jeta yae ma peiporarauka cheve; ¿mbaetɨ pa pemara peñee rasɨ cheve?

SALMOS 106:14

Ombotenonde reta ipɨa jemimbotaño ñuu pe, ojäa reta Tumpa ipɨaguasu ɨvɨ ipombaea pe.

SALMOS 106:26

Jáeramo, jae ipo oupi reve jei jee re aeño opa vaerä omokañɨtei reta ñuu pe,

SALMOS 78:41

Oyerova reta ye jare ojäa reta Tumpa, ¡omboarasɨuka reta Iyoambae Israel pegua!

ÉXODO 14:11

Jei reta Moisés pe: —¿Mbaetɨ pa tɨvɨa renda Egipto pe orerenoe vaerä opa romano ñuu rupi? ¿Maera pa körai oreapo, opa orerenoe Egipto güi?

ÉXODO 15:24

Jayave iñeenguru reta Moisés kotɨ, jei reta: “¿Mbae pa añave routa?”

ÉXODO 16:2

Opaete Israel iñemuña reta iñeenguru Moisés jare Aarón kotɨ kuae ñuu pe.

ÉXODO 17:2

Javoi iñeengeta reta Moisés pe, jei reta chupe: —¡Emee ɨ rou vaerä! Jare Moisés jei chupe reta: —¿Maera pa peñeengeta cheve? ¿Maera pa pejäa yandeYa?

ÉXODO 17:3

Jökorai iɨuve reta joko pe, jare iñeenguru reta Moisés kotɨ, jei reta chupe: —¿Maera pa orerenoe Egipto güi? ¿Orereru oreyukauka vaerä ɨuve pe, ore, oreraɨ reta jare orerɨmba reta vi?

ÉXODO 17:7

Jare ombojee reta jókuae ɨ oëa, Masah jare Meriba, echa Israel iñemuña reta iñeengeta jeko pegua ojäa reta yandeYa, echa jei reta: “¿Oime pa yandeYa oï yande ndive ani mbaetɨ pa?”

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 5:21

jare jei reta chupe: —YandeYa tomae peyapogüe re jare tapejäa; echa pe reta oremotareɨuka Faraón pe jare jembiokuai reta pe, kɨsepuku peñono ipo pe rami ko, oreyukauka vaerä.

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

NÚMEROS 11:1

Jare Israel iñemuña reta iñeenguru yandeYa kotɨ; yandeYa oendu jare iyarasɨ yae, jare ombou tata chupe reta, jare opa oapɨ teyupa metei jembeɨ.

NÚMEROS 11:4

Ketɨgua reta oyea Israel iñemuña reta ndive vae, imaendúa reta jembíu reño, jare Israel iñemuña reta oyaeo vi jae reta rami, jare jei reta: “¡Kia mona omee soo yau vaerä!

NÚMEROS 12:1

María jare Aarón iñeenguru Moisés kotɨ, kuña Cus iñemuña pegua jeko pegua, echa jae omenda kuña Cus iñemuña pegua ndive.

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

NÚMEROS 14:2

Jare opaete Israel iñemuña reta iñeenguru Moisés jare Aarón kotɨ; jare jei reta: “¡Maera ra ñamano voiä ɨvɨ Egipto pe ani kuae ñuu pe!

NÚMEROS 32:12

Jaeño Caleb, cenezeo Jefone taɨ, jare Josué, Nun taɨ, yogüɨreko jupi rupi yandeYa jupíe.

San Mateo 4:7

Jayave Jesús jei chupe: —Tumpa Iñee pe oyekuatía vi oï körai: “Agüɨye ejäa ndeYa Tumpa ipɨaguasu.”

1 Corintios 10:5

Ërei jeta chugüi reta mbaetɨ ombopɨakatu Tumpa, jáeramo opa oyukauka oeya ñuu rupi.

1 Corintios 10:9

Agüɨye vi ñajäa yandeYa ipɨaguasu, echa jökorai oyapo amogüe jae reta, jáeramo oyukauka reta mboi reta rupi.

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

Hebreos 3:9

peñemuñagüe reta oipota tëi oyavɨuka chevea pe, chemboaporova reta, yepe oecha reta tëi ayapogüe cuarenta año rupi.