NÚMEROS 14:14 - Biblia Guarani Tumpa Iñee

¹⁴ imiari retata kuae ɨvɨ pe yogüɨreko vae reta pe, echa kuae reta oendu vi ko, kërai nde reiko kuae tëta ipɨte pe vae, jare oyoova pe reyekuaa chupe reta, nde cheYa; jare ara pe reo jae reta jenonde metei jɨsɨ amapɨtu re jare pɨ̈tu yave metei jɨsɨ tata omoembipe vae re;

NÚMEROS 14:14 ပူးပေါင်းရင်းမြစ်များ

GÉNESIS 32:30

Jare Jacob ombojee jókuae oñoïraroa, Peniel; echa jei: “Tumpa jova etei aecha, ërei aikoveño, oasayepe cherekove.”

NEHEMÍAS 9:12

Ara pe reroata reta metei jɨsɨ vae amapɨtu rupi, jare pɨ̈tu yave metei jɨsɨ tata ara re vae rupi, omoembipe vaerä chupe reta kerupi ra yogüɨrajata vae.

NEHEMÍAS 9:19

ërei nde, ndeporoparareko yae jeko pegua mbaetɨ reeya reta ñuu rupi. Jókuae metei jɨsɨ amapɨtu vae mbaetɨ osɨrɨ jae reta iárambo güi ara pe, güɨroata vaerä tape rupi, jare pɨ̈tu yave metei jɨsɨ tata ara re vae, omoembipe vaerä chupe reta tape yogüɨrajataa rupi.

SALMOS 105:39

Tumpa ombou amapɨtu, pɨpe omoküaraɨa reta vaerä, jare tata, pɨpe pɨ̈tu yave omoembipe vaerä chupe reta.

SALMOS 78:14

Ara pe güɨroata reta metei jɨsɨ vae amapɨtu rupi, jare pɨ̈tu yave metei jɨsɨ tata omboesape chupe reta vae rupi.

ÉXODO 15:14

Opaete tëta reta oendu yave orɨrɨi retata; mbae jasɨ güi oyeetepokata filisteo reta,

ÉXODO 33:11

Oyoova pe etei yandeYa oñomomiari Moisés ndive, oipotagüe imiari ivɨa-ïru ndive rami, jare Moisés ojo ye teyupa pe. Ërei kunumi Josué, Nun taɨ, mbaetɨ oë tupao guakapi pegua japɨpe güi.

ÉXODO 33:16

Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

ÉXODO 40:38

Echa yandeYa iamapɨtu oï tupao guakapi pegua iárambo, ara pe jare pɨ̈tu yave tata omoembipe jae reta iárambo, opaete Israel iñemuña reta jovake, opaete ara oguata yogüɨreko rupi.

NÚMEROS 10:34

Ara pe yandeYa iamapɨtu ojo jae reta iárambo, jeyupa güi ñogüɨnoe güive.

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

1 Corintios 13:12

Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita Tumpa chekuaa rami.

DEUTERONOMIO 1:19

Jare Horeb güi ñaë yave, yaguata opaete jókuae ñuu tuicha jare yavaetegüe rupi, amorreo reta iɨvɨ ɨvɨtɨ katuai vae kotɨ yayu yave peecha vae; yandeYa Tumpa yandeokuai rami, yayu regua ñaväe Cades-barnea pe.

DEUTERONOMIO 34:10

Jare mbaetɨ ye ma opüa ïru ñeemombeúa Israel pe Moisés rami vae, jae ndive yandeYa imiari oyoova pe etei vae,

DEUTERONOMIO 5:24

jare jei reta cheve: ‘Añave yandeYa Tumpa oechauka oreve iyemboetea jare imbaepuere tuicha yae vae, jare roendu iñee tata jendɨ vae güi. Kuae ara roecha yandeYa imiari kuimbae pe, jare oikoveño.

DEUTERONOMIO 5:4

YandeYa imiari pe ndive oyoova pe, tata jendɨ vae mbɨte güi.

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.