NÚMEROS 13:17 - Biblia Guarani Tumpa Iñee

¹⁷ Moisés omondo omae reta vaerä ɨvɨ Canaán re, jei chupe reta: —Pekua kuae güi ɨvɨ Neguev rupi jare peyeupi ɨvɨtɨ reta rupi,

NÚMEROS 13:17 ပူးပေါင်းရင်းမြစ်များ

GÉNESIS 12:9

Jare Abram oë joko güi, jare ojo mbegüe mbegüe pe Neguev kotɨ.

GÉNESIS 13:1

Abram oë Egipto güi, jare ojo ye ɨvɨ Neguev jee vae kotɨ jembireko ndive jare opaete imbaembae ndive. Jare jiɨ Lot vi ojo jupíe.

GÉNESIS 13:17

¡Añave, epüa jare ekua emae kuae ɨvɨ ipukugüe re jare ipɨguasugüe re, echa ameeta ko ndeve!”

GÉNESIS 13:3

Jare Neguev güi ojo mbegüe mbegüe pe oväe ye tëta Bet-el jee vae kotɨ, jare joko güi ojo tenonde yave jo guakapi pegua güɨrekosea pe, tëta Bet-el jare Hai jee vae ipäu pe,

GÉNESIS 14:10

Jókuae ɨvɨtɨ päu Sidim rupi jeta yae mbae ipomoasɨ ɨvɨ yasuru vae rami vae; jare mburuvicha Sodoma pegua jare Gomorra pegua isundaro reta ndive otekuarai tëi yave jovaicho reta güi oasavi pɨpe amogüe, ërei ïru reta otekuarai kaa kotɨ.

NÚMEROS 13:18

pemae kavi kërai etei ko ɨvɨ vae, jare joko pegua tëta re, imbaepuere yae reta ra, ani ipɨtu yae reta ra, jeta yae reta ra, ani mbovɨño ra vae.

NÚMEROS 13:29

Amalec iñemuña reta oime ñogüɨnoi Neguev pe, heteo reta, jebuseo reta jare amorreo reta ñogüɨnoi ɨvɨtɨ reta re, jare cananeo reta ñogüɨnoi ɨguasu jare ɨ̈aka Jordán ipäu pe.

NÚMEROS 14:40

Jare pɨareve pe ndeimbove yave opüa reta jare oyeupi reta ɨvɨtɨ iyapɨte re, jei reta reve: —¡Ko ñaï ma kuae pe! Yaja vaerä jókuae yandeYa güɨrökuaveea pe; echa yandeyoa ko.

DEUTERONOMIO 1:44

Ërei ñogüɨnoe perovaicho reta peve yave, amorreo reta jókuae ɨvɨtɨ rupi yogüɨreko vae, peñemoñauka chupe reta kävee oporomoña rami, jare peñemoamɨriuka chupe reta Seir güive Horma kotɨ.

JOSUÉ 10:40

Jökorai Josué opɨ̈ro opaete ɨvɨ. Omoamɨri mburuvicha guasu reta ɨvɨtɨ guasu reta rupi oñemoëta vae, Neguev pegua reta, ɨvɨpe kavi rupi jëta vae reta, ɨvɨtɨ ikúa rupi jëta vae reta jare opaete juvicha guasu reta, oeyambae reve metei ave; opaetei oyuka, yandeYa Israel iTumpa oyókuai rami.

JOSUÉ 15:3

jare oë arayevɨ kotɨ Acrabim ikúa rupi, oasa ojo Zin kotɨ, jare oyeupi ye arayevɨ kotɨ güi Cades-barnea kotɨ, oasa Hezrón rupi, jare oyeupi Adar kotɨ rupi oyere Carca kotɨ,

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JUECES 1:15

Jare Acsa jei: —Aipota chembopota mbae pe. Remee ma cheve ɨvɨ Neguev, emee vi cheve ɨesaɨ reta. Jare Caleb omee chupe ɨesaɨ reta ɨvate kotɨgua jare ɨvɨpe rupigua.

JUECES 1:19

Jare yandeYa oï Judá iñemuña reta ndive, jae reta opa omoë omombo ɨvɨtɨ rupigua reta; ërei mbaetɨ ipuere opa omoë omombo ɨvɨpe rupigua reta, echa jae reta güɨnoi käretou jiero pegua reta ramo.

JUECES 1:9

Jaɨkue rupi Judá iñemuña reta oporepeña cananeo reta yogüɨreko ɨvɨtɨ re ɨvɨ Neguev pe vae re, jare ɨvɨpe pegua reta re.