NÚMEROS 11:10 - Biblia Guarani Tumpa Iñee

¹⁰ Jare Moisés oendu oyaeo opaete vae, jo pegua ñavo ndive, metei ñavo vae jo guakapi pegua jöke rupi; jayave yandeYa iyarasɨ yae ete; jaeramiño vi Moisés pe mbaetɨ ipöra.

NÚMEROS 11:10 ပူးပေါင်းရင်းမြစ်များ

SALMOS 106:25

jo guakapi pegua rupi iñeenguru reta yandeYa kotɨ, mbaetɨ oyapo reta jae jei vae.

SALMOS 139:21

CheYa Tumpa, ¿amotareɨä pa nemotareɨ vae reta? ¿Jare aröɨroä pa opüa nderé vae reta?

SALMOS 78:21

YandeYa oendu jókuae yave, iyarasɨ; ¡tata jendɨ rami, iyarasɨ jendɨ Jacob kotɨ! ¡Iyarasɨ yae Israel kotɨ!

SALMOS 78:59

Tumpa oecha kuae jare iyarasɨ yae, jare güɨröɨro yeyé Israel.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

NÚMEROS 11:1

Jare Israel iñemuña reta iñeenguru yandeYa kotɨ; yandeYa oendu jare iyarasɨ yae, jare ombou tata chupe reta, jare opa oapɨ teyupa metei jembeɨ.

NÚMEROS 11:11

Jare Moisés jei yandeYa pe: —¿Maera pa reyapo ikavimbae che nderembiokuai pe? ¿Maera pa mbaetɨ ndepɨakavi cheve, reñono chepo pe opaete kuae tëta iyemoambeko?

NÚMEROS 11:9

Pɨ̈tu yave ɨsápɨi oa teyupa iárambo yave, oa vi maná.)

NÚMEROS 12:3

Jare jókuae kuimbae Moisés ipɨaguasu yae vae ko, opaete kuimbae reta ɨvɨ pegua güi.

NÚMEROS 12:9

YandeYa iyarasɨ yae ete ikotɨ reta; jare ojo joko güi.

NÚMEROS 16:27

Jare osɨrɨ reta Coré, Datán jare Abiram jo guakapi pegua iyɨ́vɨri güi; jare Datán jare Abiram ñogüɨnoe oñeñono jo guakapi pegua jöke pe, jembireko reve reve jare imichia reta ndive.

NÚMEROS 21:5

Jare opaete vae iñeenguru Tumpa kotɨ jare Moisés kotɨ, körai: —¿Maera pa orereru ɨvɨ Egipto güi romano vaerä kuae ñuu rupi? Echa mbaetɨ tembíu jare ɨ ave. ¡Orembogüérai ma kuae maná jëe ngatumbae!

San Marcos 10:14

Jesús kuae oecha yave, pochɨ jemimboe reta pe, jare jei chupe reta: —Pemaeño michia reta re yogüeru vaerä chekotɨ. Agüɨye peyopia. Echa kuae nunga reta ko yogüɨreko Tumpa iporookuaía pe.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.