NÚMEROS 10:35 - Biblia Guarani Tumpa Iñee

³⁵ Käjou oyemboɨpɨ oyereroata yave, Moisés jei körai: “¡Epüa cheYa! ¡Topa toñemoai moai nderovaicho reta! ¡Totekuarai ndegüi nemotareɨ vae reta!”

NÚMEROS 10:35 ပူးပေါင်းရင်းမြစ်များ

SALMOS 132:8

CheYa Tumpa, epüa, eyu nde jare nekäjou, reputuutaa pe.

SALMOS 3:8

Nde cheYa reporogüɨroasayepe vae ko; ¡ndeporerekua ndembae vae reta re!

SALMOS 9:19

Epüa, cheYa, agüɨye emaeño kuimbae reta toyembotuicha. ¡Ejäa tëtaguasu reta!

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

DEUTERONOMIO 32:41

Aimbee yave chekɨsepuku, jare amboɨpɨ yave cheporojäa aiporaraukata cherovaicho reta pe, ¡amboepɨukata chemotareɨ vae reta pe!

DEUTERONOMIO 7:10

ërei jae etei omokañɨtei imotareɨa pe; oärombae reve oipararauka imotareɨa pe, jae etei ko omboepɨta chupe.

1 SAMUEL 4:3

Yogüeru ye ma ñeraroa güi teyupa pe yave, Israel iñemuña itenondegua reta jei: “¿Maera pa yandeYa yandeyukauka filisteo reta pe? ¡Yaja yaru yandeYa ikäjou morogüɨrökuavee päve pegua Silo güi, jókuae käjou toï yandepɨte pe, yandereepɨ vaerä yanderovaicho reta güi!”