NÚMEROS 10:33 - Biblia Guarani Tumpa Iñee

³³ Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

NÚMEROS 10:33 ပူးပေါင်းရင်းမြစ်များ

SALMOS 95:11

Jáeramo, chearasɨ reve jae: ‘Mbaetɨta oike reta mbutuu ameeta vae pe.’ ”

ÉXODO 19:3

Joko pe Moisés oyeupi oñoväe vaerä Tumpa ndive; jare yandeYa oenɨi jókuae ɨvɨtɨ güi, jei chupe: —Körai ere Jacob iñemuña reta pe, jae ko Israel jee vae iñemuña reta:

ÉXODO 3:1

Moisés omongaru oiko jovaya Jetro, sacerdote Madián pegua ivecha reta yave, güɨraja vecha reta ñuu rupi, jare ojo oväe Horeb pe, Tumpa iɨvɨtɨ pe.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 28:12

Echa chupe reta Tumpa jei tëi: “Kuae pe peiko pɨagüive, ikangɨ vae, toputuu.” Ërei jae reta mbaetɨ oipota oyeapɨsaka jese.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 3:16

Javoi jeta yae ma peñemuña perëtaguasu pe yave, ngaraa ma kia oyemoambeko käjou morogüɨrökuavee päve pegua yandeYa imbae re, kia ave ngaraa ma imaendúa jese, ngaraa ma vi oata, ngaraa vi ipɨau oyeapo. Che peYa, jae ndeve körai.

JEREMÍAS 31:2

YandeYa jei: “Ñuu pe chepɨakavi yae mano güi oasayepe vae reta pe. Israel iñemuña reta yogüɨraja yave ɨvɨ oputuu vaerä vae kotɨ.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

NÚMEROS 10:12

Jayave Israel iñemuña reta ñogüɨnoe ñuu Sinaí güi, oyoaɨkue yoaɨkue reve kavi; jare amapɨtu ojo opɨta ñuu Parán pe.

DEUTERONOMIO 1:33

jae ko ojo perenonde jare oeka kia pe peputuu vaerä, pɨ̈tu yave omoembipe oechauka peve kerupi peguata vaerä jare ara pe amapɨtu.

DEUTERONOMIO 31:26

“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

DEUTERONOMIO 9:9

Che ayeupi yave amboresive vaerä ita ipe vae, oyekuatía jese morogüɨrökuavee päve yandeYa oyapo pe ndive vae, jayave ɨvɨtɨ pe aiko cuarenta ara jare cuarenta pɨ̈tu, akarumbae jare aɨumbae.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”

JUECES 20:27

Jare Israel iñemuña reta oparandu yandeYa pe (echa käjou morogüɨrökuavee päve pegua oï joko pe jókuae ara,

1 SAMUEL 4:3

Yogüeru ye ma ñeraroa güi teyupa pe yave, Israel iñemuña itenondegua reta jei: “¿Maera pa yandeYa yandeyukauka filisteo reta pe? ¡Yaja yaru yandeYa ikäjou morogüɨrökuavee päve pegua Silo güi, jókuae käjou toï yandepɨte pe, yandereepɨ vaerä yanderovaicho reta güi!”