NÚMEROS 10:29 - Biblia Guarani Tumpa Iñee

²⁹ Jayave Moisés jei jovaya Hobab pe, Ragüel taɨ pe; Ragüel ko jae Moisés jembireko tu, Madián pegua: —Ore rojota ɨvɨ yandeYa güɨrökuavee orevea kotɨ. Yaja orerupíe, ore romae kavita nderé, echa yandeYa güɨrökuavee ikavi vae Israel iñemuña reta pe.

NÚMEROS 10:29 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 32:12

Nde rere cheve: ‘Che ayapota ndeve ikavi vae jare neñemuña reta ɨguasu jembeɨ rupi ɨvɨkuitï ramita, yaipapa rapembae.’ ”

SALMOS 100:1

¡Petairari yerovia reve yandeYa pe, opaete ɨvɨ pegua reta!

SALMOS 34:8

Peeka jare peikuaa, ikavi ko yandeYa. ¡Oyerovia yae ko kuimbae, jese oyeko vae!

SALMOS 95:1

Peyu, yatairari yayerovia reve yandeYa pe; täta yatairari ñaneovatu vae jare yandereroasayepe vae pe.

ÉXODO 18:1

Jetro, sacerdote Madián pegua Moisés jovaya oendu opaete mbaembae Tumpa oyapo Moisés ndive vae, jare Israel iñemuña reta ndive vae re, jare yandeYa kërai güɨnoe Egipto güi vae.

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 18:27

Jaɨkue rupi Moisés omboyupavo jovaya, jare ojo ye jëta kotɨ.

ÉXODO 2:18

Jare yogüeru ye yave, tu Reuel jei chupe reta: —¿Maera yera jarembae mbatee peyu añave?

ÉXODO 2:21

Jare Moisés oñemokɨ̈reɨ opɨta vaerä jókuae kuimbae pɨri; jare jae omee tayɨ Séfora Moisés jembirekorä,

ÉXODO 3:1

Moisés omongaru oiko jovaya Jetro, sacerdote Madián pegua ivecha reta yave, güɨraja vecha reta ñuu rupi, jare ojo oväe Horeb pe, Tumpa iɨvɨtɨ pe.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 6:4

Ayapo vi morogüɨrökuavee päve jae reta ndive, añererökuavee amee vaerä chupe reta ɨvɨ Canaán, ketɨgua rami yogüɨreko pɨpe vae.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

NÚMEROS 10:28

Jökorai ko Israel iñemuña reta omboɨpɨ oguata oyoaɨkue yoaɨkue reve kavi; oyemboyao yao reve kavi.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

Hechos 7:5

Ërei Tumpa mbaetɨ omee Abraham pe ɨvɨ imbaerä etei kërai ave yepe. Ërei jei omeeta ko chupe jare iñemuña reta pe iɨvɨrä, yepe tëi Abraham ndei taɨ.

DEUTERONOMIO 30:5

pereru yeta jókuae ɨvɨ peñemuñagüe reta imbaegüe pe, jare penoita pembaerä, oyapota peve ikavi vae jare pemoñemuñata jeta yae peñemuñagüe reta güi.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

JUECES 1:16

Ceneo, Hobab iñemuña reta Moisés jovaya, ñogüɨnoe vi tëta guasu karandaɨtɨ güi Judá iñemuña reta ndive, jare yogüɨraja Judá iñuu Neguev pe oï vae pe, köiño Arad güi; jare joko pe oñemoëta reta jae reta ndive.

JUECES 4:11

Jare ceneo Heber, Hobab, Moisés jovaya iñemuña osɨrɨ yepe jëtara ceneo reta güi jare ojo oñemoëta ɨvɨtɨ päu Zaanaim jee vae pe, Cedes iyɨpɨ pe oï vae pe.

1 SAMUEL 15:6

Jare Saúl jei ceneo reta pe: —¡Pesɨrɨ jare peë Amalec iñemuña reta ipɨte güi agüɨye vaerä pomokañɨtei jae reta ndive, echa pe reta pemboyekuaa peporoparareko Israel iñemuña reta kotɨ yogüeru reta yave Egipto güi! Jayave ceneo reta asɨrɨ Amalec iñemuña reta güi.