NÚMEROS 1:50 - Biblia Guarani Tumpa Iñee

⁵⁰ Eñono Leví iñemuña reta tupao guakapi pegua pe oporomborɨ reta vaerä, toyangareko reta opaete mbaembae joko pegua re; jae reta togüɨraja tupao guakapi pegua jare opaete mbaembae joko pegua, jae reta toporomborɨ joko pe. Jare toyembojeyupa reta iyɨ́vɨri.

NÚMEROS 1:50 ပူးပေါင်းရင်းမြစ်များ

2 CRÓNICAS 24:6

Jáeramo mburuvicha guasu Joás oenɨi sacerdote tenondegua Joiada jare jei chupe: —¿Maera pa mbaetɨ reyemoambeko levita reta güeru vaerä mbota opaete Judá güi jare Jerusalén güi Moisés yandeYa jembiokuai omee mborookuai Israel iñemuña reta pe tupao guakapi peguarä vae?

NEHEMÍAS 12:22

Eliasib, Joiada, Johanán jare Jadúa sacerdote tenondegua yogüɨreko yave, tëtara ñavo tenondegua reta levita reta jare sacerdote reta jee oyekuatía, Darío Persia pegua oiko regua mburuvicha guasu.

NEHEMÍAS 12:47

Zorobabel jare Nehemías yogüɨreko ramboeve, opaete vae reta omee tembíu ara ñavo otairari vae reta pe, jare öke iyangarekoa reta pe; jare omee reta vi levita reta pe, chupegua retarä vae, jare levita reta omee yoapɨ ye joko güi jëtara Aarón iñemuña sacerdote reta pe.

NEHEMÍAS 12:8

Jare ïru levita reta güi: Jesúa, Binúi, Cadmiel, Serebías, Judá jare Matanías, kuae reta ñogüɨnoi oporombotairari vaerä tairari mbaemboete pegua re;

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:5

jare oiporuka yepe chupe cuarto tuicha vae oñeñovatuse pɨpe mbota reta vae, ikäti kavi vae incienso, tembiporu reta, jare payandepo güi metei oñemee trigo vae, vino vae, jare olivo iasaite reta güi vae, echa joko güi ko oñemeese yepi levita reta pe, otairari vae reta pe, öke iyangarekoa reta pe, jare vi mbota sacerdote reta peguarä oñemee vae.

SALMOS 122:4

Jokotɨ yogüɨraja ñemuña yandeYa imbae vae reta, mborookuai oñemee Israel pe rami, omboete vaerä yandeYa jee.

ÉXODO 31:18

Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.

ÉXODO 38:21

Kuae ko jae mbaembae tupao guakapi pegua oyeapo yave oyeporu vae, tupao guakapi pegua yemomaendúa pegua, Moisés iporookuai rupi oyeapo vae reta, levita reta oyapo vae, Itamar, sacerdote Aarón taɨ jei vae rupi oyeapogüe.

NÚMEROS 1:53

ërei Leví iñemuña reta toyembojeyupa tupao guakapi pegua iyɨ́vɨri oäro reta vaerä; agüɨye vaerä Tumpa iyarasɨ oa Israel iñemuña reta re.”

NÚMEROS 10:21

Jaɨkue rupi omboɨpɨ oguata Coat iñemuña reta, güɨraja reve ivoɨta o mbaemboetea pegua; jare jae reta ndei opa yogüɨraja oväe mbove, ïru reta opa ma oyatɨka ye tupao guakapi pegua.

NÚMEROS 17:7

Jare Moisés oñono popoka reta yandeYa jóvai, tupao guakapi pegua pe.

NÚMEROS 18:5

pe reta peyapo mbaravɨkɨ o mbaemboetea pegua jare mɨmba oyeyuka oyeapɨ jese vae pegua, agüɨye vaerä mo ou arasɨ Israel iñemuña reta re.

NÚMEROS 2:17

Jaɨkue rupi toguata Leví iñemuña reta güɨraja reve tupao guakapi pegua, jókuae irundɨ teyupa reta ipäu pe, oñesɨro ñogüɨnoi rami kavi. Jökorai irundɨ teyupa toguata metei ñavo ibandera jupíe.

NÚMEROS 20:11

Jayave Moisés oupi ipo, jare oiporu ipopoka ɨ̈vavira re mókoi ye rupi, jare oë jeta ɨ, jare opaete vae oɨu jare jɨmba reta.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:3

treinta año güɨnoi vae güi cincuenta año güɨnoi vae pe, opaete ipuere oyapo tupao guakapi pegua pe mbaravɨkɨ vae reta.

NÚMEROS 8:19

Che ko amee Leví iñemuña reta, Aarón jare taɨ reta pe, opaete Israel iñemuña reta ipɨte güi, oyeokuai reta vaerä tupao guakapi pegua pe, Israel iñemuña reta jekovia pe; agüɨye vaerä maratu oasa Israel iñemuña reta oya yave o mbaemboetea re.”

NÚMEROS 8:20

Moisés, Aarón jare opaete Israel iñemuña reta oyapo Leví iñemuña reta pe, yandeYa oyókuai Moisés vae rami.

NÚMEROS 8:22

Jökorai kuaekuae jaɨkue rupi, yogüeru Leví iñemuña reta oyapo vaerä iparavɨkɨ tupao guakapi pegua pe, Aarón jare taɨ reta iporookuai rupi; yandeYa oyókuai Moisés vae rami etei oyapo jae reta Leví iñemuña reta pe.

Apocalipsis 15:5

Kuae jaɨkue rupi amae jare aecha oyepea tupao ara pe, tupao yemomaendúa pegua.