NEHEMÍAS 9:5 - Biblia Guarani Tumpa Iñee

⁵ jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

NEHEMÍAS 9:5 ပူးပေါင်းရင်းမြစ်များ

1 REYES 8:14

Javoi mburuvicha guasu oyerova omae Israel iñemuña reta yatɨ ñogüɨnoi vae kotɨ, jare jei ñee kavi ikotɨ reta; jare opaete Israel iñemuña reta oyemboatɨ vae oyemboɨ ñogüɨnoi.

1 REYES 8:15

Jei: “Toyemboete yandeYa, Israel iTumpa, cheru David ndive imiari vae, jare iñee ombopo vae, jei reve:

1 REYES 8:22

Jaɨkue rupi Salomón oñeñono mɨmba oyeyuka oyeapɨ jese vae yandeYa imbae jóvai, opaete Israel iñemuña reta yatɨ vae jóvai, jare omopüa ipo ara kotɨ,

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

1 CRÓNICAS 16:36

¡Toyemboete yandeYa, Israel iTumpa, jekuae avei rupi!’ ” Jare opaete vae reta jei: “¡Amén!”, jare omboete reta yandeYa.

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

1 CRÓNICAS 29:13

Jáeramo oreTumpa, añave romee ndeve mbaemboete, romboete nderee imboetea yae vae;

1 CRÓNICAS 29:20

Javoi David jei opaete oyemboatɨ ñogüɨnoi vae reta pe: “Añave pemboete yandeYa Tumpa.” Jayave yatɨ vae reta omboete yandeYa, iñemuñagüe reta iTumpa, oyetavatɨka itindɨasɨ reve ombaemboete reta yandeYa jóvai jare mburuvicha guasu jóvai.

2 CRÓNICAS 20:13

Jare opaete Judá pegua reta oyemboɨ ñogüɨnoi yandeYa jóvai, jembireko reve reve, taɨ reta, jare imichia reve reve.

2 CRÓNICAS 20:19

Jare levita reta Coat iñemuña pegua jare Coré iñemuña pegua reta opüa omee mbaemboete yandeYa pe, Israel iTumpa pe osapúkai reve.

ESDRAS 3:11

Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

NEHEMÍAS 9:4

Javoi levita reta Jesúa, Bani, Cadmiel, Sebanías, Buni, Serebías, Bani jare Quenani oyeupi reta ñemoñee renda pe jare osapúkai täta reta oyerure reve iYa Tumpa pe;

NEHEMÍAS 9:6

Jare Esdras jei: “Nde ko jae oreYa Tumpa, mbaetɨ ye kia. Nde reyapo ara, jare ara ɨvate yae vae, jare opaete yasɨtata reta; nde reyapo ɨvɨ, jare opaete pɨpegua reta, ɨguasu reta, jare opaete pɨpegua reta. Nde ko remee tekove opaete vae pe. Jáeramo, ndemboete ara ipo reta.

JOB 1:21

jei: —Chepogüɨrai ko aa chesɨ güi jare chepogüɨrai tamano. YandeYa ko omee, jare yandeYa ko oekɨ. ¡Toyemboete yandeYa!

SALMOS 106:2

¿Kia pa ipuere jei kavi yandeYa jembiapo reta tuichagüe regua? ¿Kia pa ipuere omboete jupi rupi kavi yandeYa?

SALMOS 134:1

Mase, ¡pemboete yandeYa! ¡Opaete, pe yandeYa jembiokuai reta, pɨ̈tu yave peï yandeYa itupao pe vae reta!

SALMOS 145:2

Ara ñavo toromboete, amboeteta nderee jekuae avei rupi.

SALMOS 145:5

Ndeyemboetea ipöra yae vae re, jare mɨakañɨ tuichagüe reyapo vae re che ayemongetata.

SALMOS 146:2

YandeYa pe tatairari aikove aiko ramboeve; cheTumpa pe atairarita salmo, aikove aiko ramboeve.

SALMOS 16:2

Che jae ndeve: “Nde ko jae cheYa; mbaetɨ yé ndegüi mbae ikavi cheve vae.”

SALMOS 66:2

Petairari jee imboetea yae re, pemboete petairari pe iyemboetea.

SALMOS 99:3

Toyemboete jee, kɨɨyea yae vae jare tuicha yae vae. ¡Tumpa ko Iyoambae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

DANIEL 2:20

kuae ñee reta rupi: “Toyemboete jekuae avei Tumpa jee, echa jae ko imbaepuere yae jare iyarakuaa yae vae.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

DEUTERONOMIO 28:58

Mbaetɨ yave peyapo opaete mborookuai oyekuatía oï kuae tembikuatía pe vae, mbaetɨ yave peipoɨu kuae tee mbaemboetea jare kɨɨyea güi, jae ko: YandeYa Tumpa.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

JUECES 13:18

Ërei araɨgua jei chupe: —¿Maera pa reipota reikuaa cheree? Oporomopɨakañɨ yae vae ko.