NEHEMÍAS 9:37 - Biblia Guarani Tumpa Iñee

³⁷ Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

NEHEMÍAS 9:37 ပူးပေါင်းရင်းမြစ်များ

ESDRAS 4:13

Mburuvicha guasu, roikuaauka voi ndeve kuae tëta guasu oñemopüa ye yave jare ikësea opa ye oñeñono kavi yave, ngaraa ma omboepɨ reta mburuvicha guasu peguarä oyekovara vae, jare oatata korepoti mburuvicha guasu ikorepoti jɨru pe.

ESDRAS 6:8

Che amee kuae mborookuai peve pemborɨ vaerä judío reta itenondegua reta, Tumpa jo oñemopüa ye vaerä: Jókuae ɨ̈aka jovaicho pe oyekovara mburuvicha peguarä vae güi, toñemee jókuae kuimbae reta pe oatambae reve agüɨye vaerä opɨta mbaravɨkɨ.

ESDRAS 7:24

Jare romombeu vi peve agüɨye vaerä kia okovara mburuvicha peguarä sacerdote reta pe, levita reta pe, otairari vae reta pe, öke iyangarekoa reta pe, tupao guasu pe oyeokuai vae reta pe, ani ïru tembiokuai reta tupao pe oyeokuai vae reta pe.

NEHEMÍAS 5:8

jae chupe reta: “Ore orepuere rupi ko roepɨ ñanerëtara judío reta, ïru tëta pe opa oñemee vae güi; jare añave pe reta pemee ye peï, ore jekuae roepɨ ye kuri vaerä.” Jare jae reta kïrii opɨta, mbaetɨ oikuaa mbae jei reta vaerä.

LAMENTACIONES 5:5

Roiko yeokuaiasɨ katu rupi; orekangɨ yae ma. Mbaetɨ oreveguarä mbutuu.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

San Juan 8:33

Judío reta jei chupe: —Abraham iñemuña reta ko ore. Mbaetɨi ko tembiokuai ore, ¿maera pa rere royeyorata ko?

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 28:39

Peñotɨ tëita uva, peyangarekota jese, ërei ngaraa peu tɨgüegüe ani iagüe yepe, echa taso opata jou.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.

DEUTERONOMIO 28:51

Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.