NEHEMÍAS 9:36 - Biblia Guarani Tumpa Iñee

³⁶ Jare añave roiko tembiokuairä kuae ɨvɨ nde remee oreñemuñagüe reta pe vae pe, kuae ɨvɨ güi okaru jare oyekou retata tëi vae pe.

NEHEMÍAS 9:36 ပူးပေါင်းရင်းမြစ်များ

2 CRÓNICAS 12:8

Ërei yogüɨreko retata jembiokuai retarä, oikuaa reta vaerä oyoavɨ ko oyeokuai cheve vae ïru tëtaguasu reta pegua mburuvicha guasu reta pe oyeokuai vae güi.”

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

LAMENTACIONES 5:4

¡Oreɨ aeño rogua ye rou; oreyepea aeño rogua ye!

LAMENTACIONES 5:5

Roiko yeokuaiasɨ katu rupi; orekangɨ yae ma. Mbaetɨ oreveguarä mbutuu.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.