NEHEMÍAS 9:32 - Biblia Guarani Tumpa Iñee

³² Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

NEHEMÍAS 9:32 ပူးပေါင်းရင်းမြစ်များ

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 17:3

Kuae mburuvicha guasu re oporepeña Salmanasar mburuvicha guasu Asiria pegua; jare Oseas opɨta oiko jae jeia re, ombaemboepɨ oiko chupe.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 REYES 25:7

Opa oñaseokɨ̈ti Sedequías taɨ reta jae jovake etei; jare Sedequías güi güɨnoe reta jesäɨ, jare oipokua reta karena pe güɨraja Babilonia kotɨ.

ESDRAS 4:10

Jare ïru ɨvɨ pegua reta, tuicha jare jërakua yae vae Asnapar güeru jare omee yogüɨreko vaerä tëta guasu reta Samaria pegua pe vae reta, jare ɨ̈aka Éufrates jovaicho rupigua reta.

ESDRAS 4:2

yogüeru Zorobabel pɨri jare metei tëtara vae reta itenondegua reta pɨri, jare jei reta chupe reta: —Topomborɨ ñamopüa o pe reta ndive, echa pe reta rami vi ko royeokuai peTumpa pe, jare chupe romee mɨmba oyeyukagüe, Esar-hadón mburuvicha guasu Asiria pegua oiko güive mburuvicharä, jae orembou kuae pe roiko vaerä vae.

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

NEHEMÍAS 1:5

Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

SALMOS 47:2

Echa yandeYa Tuichagüe yae ete vae, kɨɨyea ko; jae ko Mburuvicha guasu opaete ɨvɨ re.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

SALMOS 66:5

Peyu pemae Tumpa jembiapo reta re, mɨakañɨ reta tuichagüe oyapo kuimbae reta peguarä:

ÉXODO 18:8

Joko pe Moisés imiari jovaya pe yandeYa oyapo opaete mbaembae Faraón pe jare Egiptoɨgua reta pe vae re, Israel iñemuña reta oaɨu jeko pegua, jare opaete mbaemboavai oasa jae reta ndive tape rupi vae re, kërai yandeYa güɨroasayepe vae re.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

DANIEL 9:6

Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae.

DANIEL 9:8

CheYa Tumpa, ore jare jökoraiño vi oreruvicha guasu reta, oreruvicha reta jare oreñemuñagüe reta royandu oremara, echa oreyoa ndekotɨ.

LEVÍTICO 26:18

Ërei opaete kuaekuae reve mbaetɨño peendu cheve yave, che ayerovata pekotɨ aiporarauka vaerä peve chiu ye, peyoa reta jeko pegua.

LEVÍTICO 26:21

Mbaetɨ yave peiko kavi che ndive, jare jekuaeño mbaetɨ peendu cheporookuai reta yave, che amoïruta peve chiu ye mbaerasɨ pɨ̈chɨi vae, mbaeyoa peyapo rupi.

LEVÍTICO 26:24

che ayovaichota vi pe ndive, jare aiporaraukata peve chiu ye peyoa reta re.

LEVÍTICO 26:28

che ayovaichota vi pe ndive chearasɨ reve, jare aiporaraukata peve chiu ye, peyoa reta re.

DEUTERONOMIO 7:12

Peendu yave kuae mborookuai reta, peñovatu jare peyapo yave jei peve rami, yandeYa Tumpa omoañeteta peve jókuae morogüɨrökuavee päve jare mboroparareko güɨrökuavee jee re peñemuñagüe reta pe vae.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 7:21

Agüɨye peyembopɨtu jae reta jóvai, echa yandeYa Tumpa oï pepɨte pe, jae ko Tumpa tuichagüe jare kɨɨyea.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;