NEHEMÍAS 9:29 - Biblia Guarani Tumpa Iñee

²⁹ Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

NEHEMÍAS 9:29 ပူးပေါင်းရင်းမြစ်များ

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 17:14

Ërei Israel iñemuña reta mbaetɨ oendu, ipɨatäta yae reta iñemuñagüe reta ipɨatäta yae rami, echa jae reta mbaetɨ güɨrovia iYa Tumpa;

2 CRÓNICAS 24:19

Jare yandeYa ombou chupe reta ñeemombeúa reta omboyerova reta ye vaerä ikotɨ. Ërei jae reta mbaetɨ oyeapɨsaka ñeemombeúa reta iporomboarakuaa re.

2 CRÓNICAS 33:10

YandeYa ombou ñee Manasés pe jare imbae vae pe; ërei jae reta mbaetɨ oyeapɨsaka jese.

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

NEHEMÍAS 9:10

Jare reyapo jeta mɨakañɨ reta Faraón kotɨ, opaete iyɨvɨrigua reta kotɨ jare opaete jëta pegua reta kotɨ, echa reikuaa oyembotuicha reve oiporarauka yae Israel iñemuña reta pe vae. Jökorai nerërakua yae repɨta añave regua.

NEHEMÍAS 9:16

Ërei ngatu oreñemuñagüe reta ipɨa yemboete jare ipɨa täta, jare mbaetɨ oyeapɨsaka reta ndeporookuai reta re.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 42:19

YandeYa jei pe Judá pe perembɨregüe reta pe, agüɨye vaerä peo Egipto kotɨ. Peikuaa kavi añave amombeu kavi voi peve vae.

JEREMÍAS 43:2

Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

JEREMÍAS 44:10

Jare mbaetɨño pereko reta peipoepɨ añave regua, mbaetɨ vi peipoɨu, mbaetɨ vi peyapo mborookuai reta amee peve jare peñemuñagüe reta pe amee vae.’

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

EZEQUIEL 20:11

joko pe amee chupe reta mborookuai reta; kia oendu jare oyapo vae oikove vaerä.

DANIEL 5:20

Ërei oyembopɨapochɨ jare ipɨa omotäta oyemboete reve yave, oñerenoeuka oyemombo iporookuaía güi jare oyemombouka iyemboetea güi.

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

San Mateo 19:17

Jesús jei chupe: —¿Maera pa chereenɨi jupi vae pe? Jupi vae meteiño ko jae ko Tumpa. Ërei reipota renoi yave tekove, eyapo mborookuai reta jei vae.

San Lucas 10:28

Jayave Jesús jei chupe: —Jaekavi rere. Eyapo jókuae jare reikoveta.

Romanos 10:5

Echa mborookuai rupi oyembojupi vae regua Moisés oikuatía körai: “Kia nunga oyapo kuae mbaembae vae, oikoveta.”

Gálatas 3:12

Jare mborookuai mbaetɨ ko mborogüɨrovia pegua. Echa oyekuatía oï körai: “Kuaekuae oyapo vae, oikoveta jókuae re.”

DEUTERONOMIO 31:21

Ërei ou ma jeta ikavimbae jare mbɨatɨtɨ chupe reta yave, jayave kuae tairari jeita chupe reta etei cheregua, echa iñemuña reta imaenduata jese jare otairari retata; echa che aikuaa voi ma iyemongeta ndei aroike reta mbove jókuae ɨvɨ pe.”

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

JUECES 6:10

Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”