NEHEMÍAS 9:27 - Biblia Guarani Tumpa Iñee

²⁷ Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

NEHEMÍAS 9:27 ပူးပေါင်းရင်းမြစ်များ

2 REYES 13:5

Javoi yandeYa oñono Israel pe metei kuimbae oporoepɨ vae, jökorai Israel iñemuña reta oasayepe Siriaɨgua reta güi; jare yogüɨreko pɨagüive ye jo reta rupi, tenonde rupi rami.

2 REYES 14:27

YandeYa mbaetɨ jei opa vaerä omokañɨtei Israel jee kuae ɨvɨ güi; jáeramo oepɨ reta Jeroboam, Joás taɨ rupi.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:39

Jaeño chemboete che peYa Tumpa, jare pogüɨroasayepeta opaete perovaicho reta güi.”

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

NEHEMÍAS 9:19

ërei nde, ndeporoparareko yae jeko pegua mbaetɨ reeya reta ñuu rupi. Jókuae metei jɨsɨ amapɨtu vae mbaetɨ osɨrɨ jae reta iárambo güi ara pe, güɨroata vaerä tape rupi, jare pɨ̈tu yave metei jɨsɨ tata ara re vae, omoembipe vaerä chupe reta tape yogüɨrajataa rupi.

SALMOS 136:24

Jae yandereepɨ yanderovaicho reta güi, echa iporoparareko jekuae avei vae ko.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

ABDÍAS 1:21

Oporomoamɨri retata oyeupi ɨvɨtɨ Sión kotɨ, oporojäa reta vaerä ɨvɨ Esaú pegua reta kotɨ; jare yandeYa oporookuaita joko pe.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.