NEHEMÍAS 9:20 - Biblia Guarani Tumpa Iñee

²⁰ Jare rembou vi ndeEspíritu kavi omboe reta vaerä; mbaetɨ remboata maná jou reta vaerä jare ɨ iɨuve yave peguarä.

NEHEMÍAS 9:20 ပူးပေါင်းရင်းမြစ်များ

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

SALMOS 105:41

Oipea ɨ̈vavira, jare oë ɨ, oguata ɨ ɨ̈aka rupi rami ñuu rupi.

SALMOS 143:10

Chemboe tayapo nderemimbota, echa nde ko jae cheTumpa, ¡ndeespíritu tachereraja sɨmbi rupi kavi!

ÉXODO 16:15

Jare Israel iñemuña reta oecha yave jei reta oyoupe: “¿Mbae ra kuae?” Echa mbaetɨ oikuaa reta mbae ra ko vae. Jayave Moisés jei chupe reta: —Jae ko mbɨyape, yandeYa omee peu vaerä vae.

ÉXODO 16:35

Jökorai Israel iñemuña reta jou maná cuarenta año rupi, opa yogüɨraja oväe regua ɨvɨ kia oime yogüɨrekoa pe; maná jou reta yogüɨreko, opa regua yogüɨraja oväe reta ɨvɨ Canaán jembeɨ pe.

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

ÉXODO 17:3

Jökorai iɨuve reta joko pe, jare iñeenguru reta Moisés kotɨ, jei reta chupe: —¿Maera pa orerenoe Egipto güi? ¿Orereru oreyukauka vaerä ɨuve pe, ore, oreraɨ reta jare orerɨmba reta vi?

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

ISAÍAS 48:21

Yepe güɨraja tëi ñuu rupi, ërei mbaetɨ oiporara reta iɨuve; oyoka ɨ̈vavira, jare omoë jeta ɨ chupe reta.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

HAGEO 2:5

Añererökuavee peve rami, Egipto güi peë yave, jökorai cheEspíritu oïta pe ndive, agüɨye pekɨɨye.

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

Romanos 15:30

Pomoñera cherɨvɨ reta, yandeYa Jesucristo jare Espíritu Santo iporoaɨu rupi, chemborɨ vaerä peyerure cheré Tumpa pe,

1 Corintios 10:3

Jare opaete vae jou tembíu Espíritu pegua.

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

JOSUÉ 5:12

Arete Pascua güi pɨareve pe mbaetɨ ye ma oyekuaa maná, temitɨ iagüe omboɨpɨ jou reta güire; Israel iñemuña reta mbaetɨ ye ma oecha maná, ërei jou reta Canaán pegua temitɨ iagüe jókuae año.

2 Pedro 1:21

echa ñeemombeúa reta mbaetɨ imiari ipɨa jemimbota rupi aeño. Espíritu Santo etei omombeu chupe reta jei reta vaerä Tumpa iñee.