NEHEMÍAS 9:19 - Biblia Guarani Tumpa Iñee

¹⁹ ërei nde, ndeporoparareko yae jeko pegua mbaetɨ reeya reta ñuu rupi. Jókuae metei jɨsɨ amapɨtu vae mbaetɨ osɨrɨ jae reta iárambo güi ara pe, güɨroata vaerä tape rupi, jare pɨ̈tu yave metei jɨsɨ tata ara re vae, omoembipe vaerä chupe reta tape yogüɨrajataa rupi.

NEHEMÍAS 9:19 ပူးပေါင်းရင်းမြစ်များ

NEHEMÍAS 9:12

Ara pe reroata reta metei jɨsɨ vae amapɨtu rupi, jare pɨ̈tu yave metei jɨsɨ tata ara re vae rupi, omoembipe vaerä chupe reta kerupi ra yogüɨrajata vae.

NEHEMÍAS 9:27

Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 136:16

Oyangareko imbae vae reta re ñuu rupi vae, echa iporoparareko jekuae avei vae ko.

ÉXODO 40:36

Amapɨtu oyemboɨvate yave tupao guakapi pegua iárambo güi, Israel iñemuña reta omboɨpɨ oguata;

ÉXODO 40:38

Echa yandeYa iamapɨtu oï tupao guakapi pegua iárambo, ara pe jare pɨ̈tu yave tata omoembipe jae reta iárambo, opaete Israel iñemuña reta jovake, opaete ara oguata yogüɨreko rupi.

ISAÍAS 44:21

“Israel, Jacob iñemuña reta, agüɨye neakañɨ, nde ko cherembiokuai, nde ko cherembiokuai, echa che ko roapo. Israel, agüɨye neakañɨ chegüi.

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

EZEQUIEL 20:14

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:17

Jeseve cheɨ̈ro chupe reta jare mbaetɨ opa amokañɨtei reta ñuu pe.

EZEQUIEL 20:22

Ërei ayembopɨaguasu cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

NÚMEROS 14:14

imiari retata kuae ɨvɨ pe yogüɨreko vae reta pe, echa kuae reta oendu vi ko, kërai nde reiko kuae tëta ipɨte pe vae, jare oyoova pe reyekuaa chupe reta, nde cheYa; jare ara pe reo jae reta jenonde metei jɨsɨ amapɨtu re jare pɨ̈tu yave metei jɨsɨ tata omoembipe vae re;

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.