NEHEMÍAS 9:17 - Biblia Guarani Tumpa Iñee

¹⁷ Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

NEHEMÍAS 9:17 ပူးပေါင်းရင်းမြစ်များ

1 REYES 6:13

jare aikota pɨpe Israel iñemuña reta ipɨte pe, mbaetɨta aeya tëta chembae Israel.”

1 REYES 8:57

Toï yande ndive yandeYa Tumpa, ñaneñemuñagüe reta ndive oikose rami. Agüɨye tosɨrɨ ani tiyandereeya.

2 CRÓNICAS 36:13

Oyembopɨapochɨ vi mburuvicha guasu Nabucodonosor kotɨ, jókuae oyapouka tëi chupe Tumpa jee re oï vaerä imborɨarä vae; jare oyembopɨa täta jare oyembopɨarai agüɨye vaerä oyerova ye yandeYa, Israel iTumpa kotɨ.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

SALMOS 106:13

Ërei ɨmambae pegua ñakañɨ reta Tumpa oyapogüe güi, mbaetɨ oäro reta oikuaa vaerä jae iyemongeta.

SALMOS 106:7

Egipto pe mɨakañɨ reta tuichagüe reyapo vae mbaeä etei oreñemuñagüe reta pe; mbaetɨ imaendúa reta ndeporoparareko yae ko vae re, Ɨguasu Pɨ̈ta vae jembeɨ pe oyembopɨapochɨ reta ndekotɨ.

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 78:10

mbaetɨ omboete reta Tumpa iporogüɨrökuavee päve, mbaetɨ vi oipota reta oyapo jae iporookuai,

SALMOS 78:11

iñakañɨ reta jae oyapogüe güi, jókuae mɨakañɨ oechauka chupe reta vae güi.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ÉXODO 32:9

YandeYa jei ye Moisés pe: —Che aecha kuae tëta, jare aikuaa ipɨa täta yae reta ko vae.

PROVERBIOS 1:24

Che poenɨi tëi, ërei mbaetɨ peipota peendu, aparea tëi peve, ërei mbaetɨ peyu.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

LEVÍTICO 26:44

Yepe tëi opaete kuae mbaembae reta oasa pe reta ndive, peiko ramboeve perovaicho reta iɨvɨ pe, che ngaraa pogüɨröɨro, ngaraa vi pogüɨromara jare pomokañɨtei, ngaraa amboai morogüɨrökuavee päve ayapo peñemuñagüe reta ndive vae, echa che ko peYa Tumpa.

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

NÚMEROS 14:41

Ërei Moisés jei chupe reta: —¿Maera pa peyavɨ yandeYa iporookuai? ¡Ngaraa ko oë kavi peve kuae peyapota vae!

NÚMEROS 16:14

Jare mbaetɨ ave vi oremoinge ɨvɨ kavi pe, jare mbaetɨ remee oreɨvɨrä ani uvarupa yepe. ¿Jesambae rami pa kuae kuimbae reta reipota reraja? Ngaraa rojo.

Hechos 7:39

Ërei ñaneñemuñagüe reta mbaetɨ oipota oyapo Moisés jei vae, güɨröɨro reta. Jae reta ipɨa pe oyemongeta oyerova ye vaerä Egipto kotɨ.

Romanos 9:15

Echa Tumpa jei Moisés pe körai: “Aipararekota ko chekɨ̈reɨ aiparareko vae. Jare chepɨakavita ko chekɨ̈reɨ chepɨakavi chupe vae pe.”

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.