NEHEMÍAS 9:15 - Biblia Guarani Tumpa Iñee

¹⁵ Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

NEHEMÍAS 9:15 ပူးပေါင်းရင်းမြစ်များ

GÉNESIS 14:22

Ërei Abram jei chupe: —Körai jae cheYa, Tumpa Tuichagüe yae ete vae jesa róvai, ara jare ɨvɨ iyapoa,

NEHEMÍAS 9:20

Jare rembou vi ndeEspíritu kavi omboe reta vaerä; mbaetɨ remboata maná jou reta vaerä jare ɨ iɨuve yave peguarä.

SALMOS 114:8

¡Jae ko oipoepɨ ɨ̈vavira ɨrɨrurä! ¡Jae ko oipoepɨ ɨ̈vavira ɨesaɨ jendarä!

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

ÉXODO 17:3

Jökorai iɨuve reta joko pe, jare iñeenguru reta Moisés kotɨ, jei reta chupe: —¿Maera pa orerenoe Egipto güi? ¿Orereru oreyukauka vaerä ɨuve pe, ore, oreraɨ reta jare orerɨmba reta vi?

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

ISAÍAS 48:21

Yepe güɨraja tëi ñuu rupi, ërei mbaetɨ oiporara reta iɨuve; oyoka ɨ̈vavira, jare omoë jeta ɨ chupe reta.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

EZEQUIEL 20:15

Jaeramiño vi, chepo aupi reve jae chupe reta ñuu pe, mbaetɨta amaeño oike reta ɨvɨ kavi che amee chupe retaa pe, ɨvɨ ipöra yae ïru ɨvɨ reta güi vae pe;

NÚMEROS 14:30

Pe reta mbaetɨta ko peike jókuae ɨvɨ arökuavee cheree re pevea pe; jaeño ma oiketa Caleb, Jefone taɨ, jare Josué, Nun taɨ.

DEUTERONOMIO 1:21

Mase, yandeYa Tumpa omee peve ɨvɨ, pekua pepɨ̈ro pembaerä peñemuñagüe reta iTumpa jei peve rami, agüɨye pekɨɨye jare peyembopɨtu.’

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 8:3

Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei vae re ko kuimbae güɨnoita tekove.