NEHEMÍAS 9:1 - Biblia Guarani Tumpa Iñee

¹ Jókuae yasɨ yeño, veinticuatro araa pe, oyemboatɨ Israel iñemuña reta oyekuaku reve tembíu güi jare oyemonde reve temimonde mbɨatɨtɨ pegua pe, oñono reta reve ɨvɨ iñäka re ipɨatɨtɨ güi,

NEHEMÍAS 9:1 ပူးပေါင်းရင်းမြစ်များ

2 SAMUEL 1:2

Mboapɨa ara pe, ou metei kuimbae Saúl jeyupa güi, jemimonde opa ipächa jare iñäka ɨvɨ katuai ipɨatɨtɨ güi; ou oväe David oïa pe yave, oyetavatɨka itindɨasɨ ɨvɨ re omboete reve.

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

2 CRÓNICAS 7:10

Chiúa yasɨ veintitré araa pe opa omondo jeta vae reta jëta kotɨ, yerovia jare mbɨakatu yandeYa omborɨ ramo David, Salomón jare opaete Israel pegua reta.

ESDRAS 8:21

Jare jókuae ɨ̈aka Ahava jembeɨ pe royekuaku tembíu güi, roñemomichi vaerä oreTumpa jóvai royavɨ jeko pegua, jare royerure vaerä chupe orereraja kavi vaerä, ore, oremichia reta jare orembaembae reta.

ESDRAS 8:23

Royekuaku tembíu güi, jare royerure oreTumpa pe jókuae re, jare jae oendu oreve.

NEHEMÍAS 8:2

Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

JOB 2:12

Kuae reta, mombɨrɨ güive omopüa iñäka omae, ërei mbaetɨ oikuaa reta, jare jäse oyaeo reta; jare metei ñavo vae omondoro jemimonde ipɨatɨtɨ güi, jare mboapɨ reve omoai reta ɨvɨkúi ara kotɨ iñäka iárambo, omboyekuaa ipɨatɨtɨ.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

LEVÍTICO 23:34

“Ere Israel iñemuña reta pe: Kuae chiúa yasɨ, quince ara pe, toiko o ñairaka pegua arete ikavi yae vae, cheveguarä chiu ara rupi.

LEVÍTICO 23:39

Ërei jókuae chiúa yasɨ, quince ara pe, opa ma pemboɨru pembaagüɨye reta yave, peyapo arete cheve, tenondegua ara toiko mbutuu pegua jare juría ara toiko vi mbutuu pegua.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

1 SAMUEL 4:12

Jare jókuae ñeraroa güi otekuarai metei kuimbae Benjamín iñemuña pegua, ojo oväe jókuae ara voi Silo pe. Ipächa jemimonde jare iñäka ɨvɨ katuai.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.