NEHEMÍAS 8:2 - Biblia Guarani Tumpa Iñee

² Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

NEHEMÍAS 8:2 ပူးပေါင်းရင်းမြစ်များ

NEHEMÍAS 10:29

oñemoïru jëtara reta ndive, juvicha reta ndive, jare oñererökuavee reta Tumpa jee re yogüɨreko vaerä mborookuai jae omee jembiokuai Moisés rupi vae rupi, kërai jae reta oñovatuta jare oyapota opaete yandeYa iporookuai reta.

NEHEMÍAS 13:1

Jókuae ara rupi oyemongeta Moisés jembikuatía, jare opaete vae reta oendu oyekuatía oï pɨpe, kërai tëta Tumpa imbae vae reta agüɨyeta kërai ave oñemoïru Amón iñemuña reta jare Moab iñemuña reta ndive vae.

NEHEMÍAS 8:18

Oyapo reta arete mbaemboete pegua chiu ara, jare Esdras omongeta Tumpa iporookuai reta tembikuatía pe oï vae ara ñavo, tenondegua ara güive chiu ara regua; jare juri araa pe oiko yemboatɨ guasu mbaemboete pegua, oyaposeñoi rami.

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

NEHEMÍAS 9:1

Jókuae yasɨ yeño, veinticuatro araa pe, oyemboatɨ Israel iñemuña reta oyekuaku reve tembíu güi jare oyemonde reve temimonde mbɨatɨtɨ pegua pe, oñono reta reve ɨvɨ iñäka re ipɨatɨtɨ güi,

ISAÍAS 28:9

Iñeeasɨ katu reta chekotɨ, jei reta: “¿Oremboeta pa arakuaa re, oremboeta pa mbae ko Tumpa jei vae re, michia raɨ reta rami;

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

NÚMEROS 29:1

Chiúa yasɨ pe, tenondegua ara pe, penoi yemboatɨ guasu Tumpa peguarä, jókuae ara agüɨye peyapo mbae nunga mbaravɨkɨ ave. Mimbɨguasu oñemoñee iara toiko peveguarä.

Hechos 15:21

Echa arakae güive yogüɨreko tëta guasu ñavo rupi Moisés iporookuai omombeu vae reta judío reta itupao reta rupi. Ara mbutuu ñavo jae reta omongeta joko pe.

DEUTERONOMIO 17:18

Mburuvicha guasu oyemboguapɨ ma yave, tomoapɨtauka iyeupe mborookuai reta oyeapo vae güi sacerdote Leví iñemuña reta oyangareko jese vae.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.