NEHEMÍAS 8:17 - Biblia Guarani Tumpa Iñee

¹⁷ Jare opaete vae oyerova ye tembipɨɨ güi vae reta oyapo o ñairaka pegua, jare pɨpe ñogüɨnoi; echa Josué, Nun taɨ omano güire mbaetɨ oyeapo kuae rami etei vae. Jare oiko yerovia tuicha yae vae.

NEHEMÍAS 8:17 ပူးပေါင်းရင်းမြစ်များ

1 CRÓNICAS 29:22

Jókuae ara okaru reta jare jou reta vino oyerovia katu reve yandeYa jóvai. Jaɨkue rupi omboguapɨ ye mokoía ma mburuvicha guasurä Salomón, David taɨ, oñono tee reta reve mburuvicharä asaite rupi yandeYa jóvai, oñono reta vi Sadoc sacerdoterä.

2 CRÓNICAS 30:26

Jayave oï yerovia tuichagüe Jerusalén pe; echa Salomón, David taɨ Israel iñemuña reta juvicha guasu oiko güire, mbaetɨ kuae nunga oyeapo Jerusalén pe.

2 CRÓNICAS 35:18

Mbaetɨi körai oyeapo Pascua kuae rami vae Israel pe, ñeemombeúa Samuel oiko güire; mbaetɨi vi metei mburuvicha guasu Israel pegua oyapo Pascua mburuvicha guasu Josías oyapo rami, sacerdote reta ndive jare levita reta ndive, jare opaete Judá jare Israel pegua reta ndive, joko pe ñogüɨnoi vae reta, opaete Jerusalén pegua reta ndive.

2 CRÓNICAS 8:13

oñemee vaerä jese mbota reta iara pe, Moisés mborookuai omee rami, jae ko: Ara mbutuu reta ñavo pe, yasɨ pɨau ñavo pe, jare arete reta mbaemboete pegua año pe mboapɨ oyeapo vae, jae ko: Arete mbɨyape oyembovumbae pegua, arete chiu ara oyeapo vae pegua jare arete küaraɨa ñairaka pegua.

ESDRAS 3:4

Oyapo reta vi arete mbaemboete pegua küaraɨa ñairaka pegua mborookuai pe oyekuatía oï rami, mɨmba oyeyukagüe opaetei oyeapɨ vae ara ñavo oñemeese rami, jókuae ara oyepapa oñemeeta rami.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

DEUTERONOMIO 16:15

Chiu ara peyapo arete yandeYa Tumpa peguarä, jókuae jae oiparavo jee oï pɨpea pe, echa jae iporerekuata peré, opaete pembaagüɨye rupi jare opaete mbae peyapo vae rupi, jare peyerovia yaeta.

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Hebreos 11:9

Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.

Hebreos 4:8

Echa Josué omee yave mona mbutuu ñaneñemuñagüe reta pe, ngaraa tëi Tumpa imiari ye ïru ara re.

JOSUÉ 1:1

Moisés, yandeYa jembiokuai omano güire, yandeYa jei Josué, Nun taɨ Moisés imborɨa pe: