NEHEMÍAS 8:12 - Biblia Guarani Tumpa Iñee

¹² Jayave opaete vae reta yogüɨraja okaru jare oɨu, oyombopota reta tembíu pe, ovɨa katu jare oyerovia yae reta, echa oikuaa kavi ñee reta omboe reta jese vae.

NEHEMÍAS 8:12 ပူးပေါင်းရင်းမြစ်များ

1 CRÓNICAS 29:22

Jókuae ara okaru reta jare jou reta vino oyerovia katu reve yandeYa jóvai. Jaɨkue rupi omboguapɨ ye mokoía ma mburuvicha guasurä Salomón, David taɨ, oñono tee reta reve mburuvicharä asaite rupi yandeYa jóvai, oñono reta vi Sadoc sacerdoterä.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

NEHEMÍAS 8:11

Jare levita reta omokïrii opaete vae, jei reve: “Pekïrii, echa ara oñeñono tee Tumpa pe vae ko; agüɨye peyaeo.”

NEHEMÍAS 8:13

Pɨareve pe oyemboatɨ opaete tëtara ñavo itenondegua reta, opaete vae reta güi, sacerdote reta jare levita reta, Esdras mborookuai reta re oporomboe vae jóvai, oikuaa kavi reta vaerä ñee reta mborookuai regua.

ESTER 9:22

Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

JOB 23:12

Mbaetɨ apia jae iporookuai güi, ambotenonde iñee, tembíu güi.

SALMOS 119:111

Ayemombae ndeporookuai reta re jekuae avei pegua. Echa jae ko chemboyerovia katu vae.

SALMOS 119:127

Jáeramo ko, che aaɨu ndeporookuai reta oro güi, oro ikavi yae vae güi oasa yé aaɨu.

SALMOS 119:130

Neñee oyemombeu kavi vae, omboesape rami ko, omboe ipɨa yemboetembae reta.

SALMOS 119:14

Opaete mbaeyekou reta güi, ayerovia katu aiko ndeporookuai reta rupi.

SALMOS 119:16

Ayeroviata ndeporookuai reta re, jare ngaraa cheakañɨ neñee reta güi.

SALMOS 119:171

Tamee mbaemboete ndeve cheñee rupi, echa nde chemboe ndeporookuai reta re.

SALMOS 119:174

CheYa Tumpa, ¡aipota ndeporogüɨroasayepe! ¡Ayerovia yae ko mborookuai remee vae re!

SALMOS 119:72

Mborookuai reta oë ndegüi vae, ikavi yae ete cheve, oro ani korepoti jeta yae vae güi.

SALMOS 119:97

¡CheYa, aaɨu yae ndeporookuai reta! ¡Chekaaruiño ayemongeta jese!

JEREMÍAS 15:16

Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

San Lucas 24:32

Jayave jei reta oyoupe: —Jáeramo yepe imiari ou oiko yandeve tape rupi yave yandembopɨa-kërai etei, omombeu kavi yandeve Tumpa Iñee re yave.

Romanos 7:18

Aikuaa mbaetɨ ko mbae ikavi vae anoi cheyé. Echa chekɨ̈reɨ tëi ayapo mbae ikavi vae, ërei mbaetɨ chepuere ayapo.

Apocalipsis 11:10

Jare ɨvɨ pegua reta oyeroviata jókuae mókoi kuimbae jëogüegüe re. Oyapo retata arete jare omondota oyoupe mbota reta. Echa ndei omano mbove, jókuae mókoi ñeemombeúa reta oiporarauka yae ɨvɨ pegua reta pe.