NEHEMÍAS 8:1 - Biblia Guarani Tumpa Iñee

¹ Javoi oyomboatɨ opaete vae reta metei rami oka guasu pe, öke Ɨ Röke jee vae jóvai, jare jei reta Esdras mborookuai re oporomboe vae pe güeru vaerä tembikuatía Moisés oikuatía mborookuai reta pɨpe vae, yandeYa omee Israel iñemuña reta pe vae.

NEHEMÍAS 8:1 ပူးပေါင်းရင်းမြစ်များ

2 REYES 23:2

Jare mburuvicha guasu ojo yandeYa jo kotɨ opaete kuimbae Judá pegua reta ndive, jare Jerusalén pegua reta ndive, sacerdote reta, ñeemombeúa reta, opaetei joko pegua reta ndive; michi vae reta güive jare opaete okuakuaa vae reta. Joko pe mburuvicha guasu omongeta opaete jókuae tembikuatía morogüɨrökuavee päve pegua pe oyekuatía oï vae, yandeYa jo pe oñeväe vae.

2 CRÓNICAS 34:15

Jupiveiño sacerdote tenondegua Hilcías omombeu ombaekuatía vae Safán pe: “Aväe chupe tembikuatía mborookuai regua yandeYa jo pe.” Hilcías omee tembikuatía Safán pe,

2 CRÓNICAS 34:30

Javoi mburuvicha guasu ojo yandeYa jo kotɨ opaete kuimbae Judá pegua reta ndive, jare Jerusalén pegua reta ndive, sacerdote reta, levita reta, opaetei joko pegua reta ndive, michi vae güive jare opaete okuakuaa vae reta. Joko pe mburuvicha guasu omongeta opaete jókuae tembikuatía morogüɨrökuavee päve pegua pe oyekuatía oï vae, yandeYa jo pe oñeväe vae.

ESDRAS 7:1

Kuae mbaembae reta jaɨkue rupi, Artajerjes oiko mburuvicha guasurä Persia pe yave, oiko metei kuimbae Esdras jee vae Seraías taɨ, Seraías jae ko Azarías taɨ, Azarías jae ko Hilcías taɨ,

ESDRAS 7:10

Echa Esdras oñeñono opaete ipɨa ndive oyemboe kavi vaerä yandeYa iporookuai re, jae oyapo vaerä jare omboe vaerä Israel iñemuña reta jókuae mborookuai reta re.

ESDRAS 7:11

Jae kuae tembikuatía ïru mburuvicha guasu Artajerjes omee sacerdote Esdras pe. Esdras jae ko oporomboe vae oikuaa katu kavi yae mborookuai reta yandeYa omee Israel peguarä vae.

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

NEHEMÍAS 12:26

Kuae reta yogüɨreko Joiacim, Jesúa taɨ jare Josadac jɨmɨmino sacerdote tenondegua yogüɨreko yave, jare mburuvicha Nehemías jare sacerdote Esdras mborookuai re oporomboe vae yogüɨreko yave.

NEHEMÍAS 12:37

Jare öke Ɨrɨru Röke jee vae iárambo re katu, oyeupi reta yeupika rupi, tëta guasu ikësea oyeupía rupi, David jo re katu, ojoi oväe reta öke Ɨ Röke jee vae pe, kuaraɨ oëa kotɨ.

NEHEMÍAS 3:26

jare tembiokuai reta tupao guasu pe oyeokuai vae, Ofel pegua reta omopüa ye güɨrajai güɨroväe öke Ɨ Röke jee vae pe, kuaraɨ oëa kotɨ, jare maeka oë mbuku oï vae.

NEHEMÍAS 8:16

Jare oë opaete vae, jare güeru reta ɨvɨra jäkagüe jare oyapo reta o ñairaka pegua, metei metei ñavo vae jo iárambo, joka pe, Tumpa jo joka pe, öke Ɨ Röke jee vae joka guasu pe, jare öke Efraín jee vae pe.

NEHEMÍAS 8:3

Jare omongeta tembikuatía oka guasu jóvai, öke Ɨ Röke jee vae jóvai, ndeimboveasɨ güive kuaraɨ ara mbɨte regua, opaete kuimbae reta jare kuña reta jóvai, jare opaete michia ipuere ma oikuaa vae reta jóvai. Jare opaete vae kïrii oyeapɨsaka mborookuai oyekuatía oï vae re.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

LEVÍTICO 9:5

Jare güɨraja reta Moisés oyókuai vae rami tupao guakapi pegua jóvai, jare opaete Israel iñemuña reta yogüeru oyemboɨ yandeYa jóvai.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:2

“Mborookuai re oporomboe vae reta jare fariseo reta pemboe Moisés iporookuai re.

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.

JUECES 20:8

Jayave opaete vae reta metei rami iyemongeta, opüa oyemboɨ jare jei reta: —Agüɨye metei ave kia tojo ye jo guakapi pegua pe ani jëta kotɨ yandepɨte güi.