NEHEMÍAS 7:4 - Biblia Guarani Tumpa Iñee

⁴ Echa jókuae tëta tuicha yae ko, ërei pɨpegua reta mbaetɨ jeta, jare o reta ndeiño vi oyeapo kavi ye.

NEHEMÍAS 7:4 ပူးပေါင်းရင်းမြစ်များ

NEHEMÍAS 11:1

Tëta ruvicha reta oñemoëta Jerusalén pe; ërei opaete vae güi, ombosuerte reta payandepo vae güi metei oiko vaerä Jerusalén pe, tëta oñeñono tee vae Tumpa pe vae pe, ërei jókuae chau vae reta yogüɨrekota ïru tëta guasu reta rupiño.

NEHEMÍAS 11:2

Jaɨkue rupi, opaete vae jei ñee kavi jókuae jaeiño oñererökuavee ipɨa-kɨ̈reɨ ngatu reve oiko vaerä Jerusalén pe vae reta kotɨ.

NEHEMÍAS 7:3

Jae chupe reta oipea vaerä Jerusalén jöke reta ɨvate ma kuaraɨ yave ramo, jare oyokenda ye vaerä omotäta reve öke reta joko pe vɨteriño ñogüɨnoi öke iyangarekoa reta ramboeve. Jare jókuae Jerusalén pegua reta yeño añono iora pe oyangareko vaerä pɨ̈tu yave, jare amogüe oyangareko vaerä jo jóvai, iora pe.

NEHEMÍAS 7:5

Jayave Tumpa oñono chepɨa pe amboatɨ vaerä tenondegua reta, mburuvicha reta jare opaete vae, oyepapa vaerä iñemuña ae ae rupi. Jare aväe tembikuatía ñemuña ñavo rupi, tenonde ma yogüeru oväe vae reta regua. Joko pe oyekuatía oï körai:

ISAÍAS 58:12

Nerëtaɨgua reta omopüa yeta o oyembosururugüe, o iguapɨka ñɨma yae vae, opaete vae pereenɨita ‘tëta ikësea omopüa ye vae’, ‘o oyembosururugüe omopüa ye vae’.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.