NEHEMÍAS 7:3 - Biblia Guarani Tumpa Iñee

³ Jae chupe reta oipea vaerä Jerusalén jöke reta ɨvate ma kuaraɨ yave ramo, jare oyokenda ye vaerä omotäta reve öke reta joko pe vɨteriño ñogüɨnoi öke iyangarekoa reta ramboeve. Jare jókuae Jerusalén pegua reta yeño añono iora pe oyangareko vaerä pɨ̈tu yave, jare amogüe oyangareko vaerä jo jóvai, iora pe.

NEHEMÍAS 7:3 ပူးပေါင်းရင်းမြစ်များ

NEHEMÍAS 13:19

Jare pɨareve ma ara mbutuuta yave, ayókuai oyeokenda vaerä Jerusalén jöke, jae mai pɨtumimbita yave, jare agüɨye vaerä oyepea ara mbutuu oasa regua. Jare añono vi joko pe amogüe cherembiokuai oyangareko vaerä, agüɨye vaerä oyereroike Jerusalén pe mbae nunga voɨta ave.

NEHEMÍAS 3:23

Kutɨ ñogüɨnoi Benjamín jare Hasub, omopüa reta ye tëta guasu ikësea oï jo jóvai vae. Chugüi reta oï Azarías, Maasías taɨ, Ananías jɨmɨmino, omopüa ye jo iyɨpɨ pegua.

NEHEMÍAS 7:2

ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

NEHEMÍAS 7:4

Echa jókuae tëta tuicha yae ko, ërei pɨpegua reta mbaetɨ jeta, jare o reta ndeiño vi oyeapo kavi ye.

SALMOS 127:1

YandeYa iporomborɨ mbaetɨ yave, oparavɨkɨiño ma ko tupao imopüaa reta. YandeYa mbaetɨ yave oyangareko tëta guasu re, oyangarekoiño ma ko tëta guasu iyangarekoa reta.

SALMOS 147:13

Echa omotäta neröke reta imotätaa, nderapɨpe yogüɨreko vae re iporerekua.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.