NEHEMÍAS 7:2 - Biblia Guarani Tumpa Iñee

² ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

NEHEMÍAS 7:2 ပူးပေါင်းရင်းမြစ်များ

GÉNESIS 42:18

Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

1 REYES 18:3

Acab oenɨi Abdías, jae ko imbaembae iyangarekoa; jae ko oipoɨu yae yandeYa güi vae.

NEHEMÍAS 1:2

Jayave ou cherɨvɨ Hanani jee vae, amogüe kuimbae reta ɨvɨ Judá pegua ndive. Jare aparandu chupe reta judío reta oasayepe tembipɨɨ güi vae re, jare tëta Jerusalén re.

NEHEMÍAS 10:23

Oseas, Hananías, Hasub,

NEHEMÍAS 13:13

Javoi añono mbaerɨru re oyangareko reta vaerä sacerdote Selemías, ombaekuatía vae Sadoc, levita reta güi Pedaías jee vae; jare jae reta imborɨarä añono Hanán, Zacur taɨ, Matanías jɨmɨmino, echa jeko kavi reta. Jae reta ñogüɨnoita omboyao vaerä mbaembae jëtara reta pe.

NEHEMÍAS 2:8

jare ïru tupapire Asaf kaa iyangarekoa peguarä, mburuvicha guasu imbae re oyangareko vae, omee vaerä cheve ɨvɨra Tupao ikësea jöke reta reguarä, jare tëta guasu ikësea reguarä, jare o che aïta pɨpe vae reguarä.” Jare omee cheve mburuvicha guasu, yandeYa Tumpa iporerekua cheré rupi.

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 7:3

Jae chupe reta oipea vaerä Jerusalén jöke reta ɨvate ma kuaraɨ yave ramo, jare oyokenda ye vaerä omotäta reve öke reta joko pe vɨteriño ñogüɨnoi öke iyangarekoa reta ramboeve. Jare jókuae Jerusalén pegua reta yeño añono iora pe oyangareko vaerä pɨ̈tu yave, jare amogüe oyangareko vaerä jo jóvai, iora pe.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

SALMOS 101:6

Amaeta jupi yogüɨreko vae re, yogüɨreko vaerä che ndive; jupi rupi yogüɨreko vae reta oyeokuaita cheve.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

DANIEL 6:4

Jayave ɨvɨ ruvicha reta jare ɨvɨ iyangarekoa reta oeka tëi kërai omboeko vaerä Daniel iparavɨkɨ rupi; ërei ngatu mbaetɨ ipuere reta oväe mbae nunga teko ani mbaeyavɨ jese, echa jae ko jupi yae; mbaetɨ etei mbae imomora ani mbaeyavɨ oñeväe jese.

NÚMEROS 12:7

ërei cherembiokuai Moisés ndive mbaetɨ jökorai, echa jae jupi rupi kavi ko oyapo opaete mbaravɨkɨ chero pe,

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

2 Timoteo 2:2

Mbaembae re aporomboe jeta vae jovake vae re, eyókuai kuimbae jupi vae reta, oikatu vaerä omboe yoapɨ ye ïru vae reta.