NEHEMÍAS 7:1 - Biblia Guarani Tumpa Iñee

¹ Opa güire oñemopüa ye tëta guasu ikësea, jare öke reta oñeñono, jare oyeparavo levita reta öke iyangarekoa retarä, otairari vae retarä jare oporomborɨ reta vaerä yave,

NEHEMÍAS 7:1 ပူးပေါင်းရင်းမြစ်များ

2 REYES 7:10

Jayave yogüeru, jare osapúkai reta sundaro reta tëta guasu jöke järoa pe, jei reta: —Rojo Siriaɨgua reta jeyupa pe, jare mbaetɨ etei kia joko pe oï vae, mbaetɨ etei ñee ave oyeendu joko pe. Jaeño ete ñogüɨnoi kavayu reta, mburika reta oñeapɨti oï jare küaraɨa guakapi pegua reta, jae reta omopüa ramiño ñogüɨnoi.

2 CRÓNICAS 31:2

Jare Ezequías oñono kavi sacerdote reta jare levita reta metei ñavo iparavɨkɨ ae rupi, omee reta vaerä mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua, omee reta vaerä yasoropai jare omboete reta vaerä yandeYa, jökorai oyeokuai reta vaerä tupao ikësea jöke japɨpe tupao joka pe.

ESDRAS 3:8

Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

NEHEMÍAS 10:39

echa Israel iñemuña reta jare levita reta güɨrajata mbota tupao guasu pe mbaembae oñeñovatúa pe mbae jäi, vino, olivo iasaite; jae ko tembiporu reta, sacerdote reta, öke iyangarekoa reta jare otairari vae reta ñogüɨnoia pe. Jökorai roñeñono agüɨye vaerä roeya ñaneTumpa jo.

NEHEMÍAS 11:3

Jae kuae tëta ruvicha reta yogüɨreko Jerusalén pe vae jee reta; ërei ɨvɨ Judá pe, tëta guasu reta rupi metei ñavo oñemoëta Israel iñemuña reta, sacerdote reta, levita reta, tembiokuai reta tupao guasu pe oyeokuai vae, jare Salomón jembiokuai reta iñemuña reta, metei ñavo jëta ae pe jare iɨvɨ ae ae pe.

NEHEMÍAS 12:24

Levita tenondegua reta güi jae ko: Hasabías, Serebías, Jesúa jare Cadmiel jare jëtara reta ñogüɨnoi jae reta ndive ombaemboete jare oyerure vaerä Tumpa pe, metei ñavo oäro mbae ara pe ra oyeokuaita vae, David, Tumpa jembiokuai oeya mborookuai rami.

NEHEMÍAS 6:1

Jare Sanbalat, Tobías, Arabiaɨgua Gesem jare ïru tovaicho reta oikuaa yave, romopüa ye tëta guasu ikësea jare mbaetɨ ma oasavigüe (yepe tëi jókuae ara rupi ndeiño añono öke reta),

NEHEMÍAS 6:15

Jare opa oyeapo tëta guasu ikësea cincuenta y dos araa pe, jae ko veinticinco ara yasɨ Elul re.

NEHEMÍAS 6:19

Jare imiari kavi reta jese cheróvai rupi, jare che jaegüe omombeu reta chupe. Jare Tobías oikuatía tupapire rupi ombou cheiämondo vaerä.